விசாகப்பட்டிணம் அருகே படகு பழுதாகி நடுக்கடலில் பத்து நாட்கள் உணவு இல்லாமல் தவித்த காசிமேடு மீனவர்கள் 10 பேர் மீட்கப்பட்டுள்ளனர்.
காசிமேடு மீனவர்கள் 10 பேர் கடந்த 24 ஆம் தேதி மீன் பிடிப்பதற்காக கணபதி
பெருமாள் என்ற பெயரிலான இயந்திர படகு ஒன்றில் சென்றனர். அவர்களுடைய படகின் இரண்டு இயந்திரங்களும் விசாகப்பட்டினத்தில் இருந்து கிழக்கே 83 நாட்டிக்கல் மைல் தொலைவில் மீன் பிடித்துக் கொண்டிருந்தபோது கடந்த
26 ம் தேதி பழுதடைந்து நின்றுவிட்டன.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இதனால் நடுக்கடலில் தனியாக தத்தளித்த பத்து மீனவர்களும் தங்களிடம் இருந்த உணவை சாப்பிட்டு நாட்களை கடத்தி வந்தனர். இருந்த கொஞ்சம் உணவும் கடந்த மாதம் 28ஆம் தேதி தீர்ந்துவிட்ட நிலையில் அப்போது முதல் உணவு இல்லாமல் அவர்கள் திண்டாடி கொண்டிருந்தனர்.
இருந்த குடிநீரை கொஞ்சம் கொஞ்சமாக குடித்து அவர்கள் உயிர் பிழைத்து இருந்த
நிலையில் நேற்று கணபதி பெருமாள் படகு நடுக்கடலில் தத்தளித்துக்
கொண்டிருப்பதையும் அதில் மீனவர்கள் 10 பேர் இருப்பதையும் விசாகப்பட்டினம்
கடலோர காவல் படையின் படகுகள் மற்றும் ஹெலிகாப்டர் ஆகியவை அடையாளம்
கண்டன.
இது தொடர்பான தகவல் அறிந்து சென்னையில் உள்ள கடலோர மீட்பு குழுவினர் அந்த
பகுதியில் சென்று கொண்டிருந்த வணிக கப்பலை தொடர்பு கொண்டு கணபதி பெருமாள் படகை கண்காணிக்குமாறு கோரிக்கை விடுத்தனர். அந்த வணிக கப்பல் மாலுமிகள் கணபதி பெருமாள் படகை கண்காணித்து வந்தனர்.
இந்த நிலையில் நேற்று மாலை விசாகப்பட்டிணத்தில் இருந்து மருந்து பொருட்கள் உணவு ஆகியவற்றுடன் படகில் சென்ற கடலோர பாதுகாப்பு படையினர் கணபதி பெருமாள் படகை அடைந்து பத்து மீனவர்களுக்கும் தேவையான மருந்து உதவிகளை செய்து உணவு கொடுத்து அந்த படகை மீட்டு கரை சேர்த்தனர்.
மீட்கப்பட்ட மீனவர்களையும் படகையும் கரையோர காவல் படையினர் விசாகப்பட்டிண்ம் மீன்வளத்துறை அதிகாரிகளிடம் ஒப்படைத்துள்ளனர். மீனவர்கள் பத்து பேர் மீட்கப்பட்ட தகவல் தமிழக மீன்வளத்துறை அதிகாரிகளுக்கும்
மீட்கப்பட்ட மீனவர்களின் குடும்பத்தாருக்கும் தெரிவிக்கப்பட்டுள்ளது.
