‘டெல்லி காவல்நிலையம் முன்பு கூட்ட நெரிசலில் தடியடி நடத்திய போலீசார்’ என வைரலாகும் காணொளி உண்மையா?

குஜராத்தி ஜாக்ரனின் அறிக்கையின்படி, இந்த முழு குழப்பமும் கன்ஷ்யாம் ராஜ்பரா என்ற நபரின் கொலை தொடர்பாகவே ஏற்பட்டது. கன்ஷ்யாம் ராஜ்கோட்டின் வின்சியா தாலுகாவின் தோரியாலி கிராமத்தில் வசித்து வந்தார், அவர் டிசம்பர் 30 அன்று பகை காரணமாக கொலை செய்யப்பட்டார். கொலைக் குற்றச்சாட்டின் பேரில் 7 பேர் மீது எஃப்ஐஆர் பதிவு செய்யப்பட்டது.

ஜனவரி 6-ம் தேதி, குற்றம் சாட்டப்பட்ட அனைவரையும் குற்றம் நடந்த இடத்திற்கு அழைத்துச் சென்று கொலை நடந்த இடத்தை மீண்டும் உருவாக்க முயற்சி மேற்கொள்ளப்பட்டது. இதற்கிடையில், கோலி சமூகத்தைச் சேர்ந்த சுமார் 1500  பேர் அங்கு கூடி, வின்சியாவில் இந்த குற்றம் சாட்டப்பட்டவர்களின் அணிவகுப்பை நடத்த வேண்டும் என்று கேட்கத் தொடங்கினர். போலீசார் அவர்களை சமாதானப்படுத்த முயன்றனர். ஆனால் அது பலனளிக்கவில்லை. சிலர் காவல் நிலையம் மீது கற்களை வீசத் தொடங்கினர். இதன் போது, ​​குறைந்தது ஆறு  போலீசார் காயமடைந்தனர். மேலும் 3 காவல் வாகனங்கள் சேதமடைந்தன. நிலைமையைக் கட்டுப்படுத்த, போலீசார் கண்ணீர் புகை குண்டுகளை வீசி, தடியடி நடத்தினர்.

‘தி இந்தியன் எக்ஸ்பிரஸ்‘ செய்தியின்படி, இந்த வழக்கில் 52 பேர் கைது செய்யப்பட்டனர்.

இதுகுறித்து ஆஜ் தக்-இன் ராஜ்கோட் நிருபர் ரோனக் மஜிதியாவிடமும் பேசியபோது, இந்த சம்பவம் ராஜ்கோட்டில் உள்ள வின்சியா காவல் நிலையம் முன்பு நடந்ததாக அவர் கூறினார்.

இந்தக் காவல் நிலையத்தின் தெருக் காட்சிப் படத்தை கூகுள் மேப்பில் பார்த்தபோது, தெருக் காட்சிப் படத்தை வைரலான காணொளியுடன் ஒப்பிட்டுப் பார்த்தாலும், இரண்டு இடங்களும் ஒரே மாதிரியானவை என்பது தெளிவாகிறது.