This news Fact Checked by ‘India Today’
சென்னையில் ஃபெங்கல் புயலால் பெய்த மழையில் மெரினா கடற்கரை பகுதியில் தேங்கிய நீரில் ஒரு நபர் மிதப்பது போன்ற வீடியோ ஒன்று வைரலாகி வருகிறது. இதுகுறித்த உண்மை சரிபார்ப்பை காணலாம்.
ஃபெங்கல் புயலால் தமிழ்நாட்டின் பல மாவட்டங்கள் வெள்ளத்தில் சிக்கித் தவிக்கின்றன. இந்த புயல் தென் மாநிலத்தின் 14 மாவட்டங்களில் பேரழிவை ஏற்படுத்தி 1.5 கோடி மக்கள் பாதிக்கப்பட்டுள்ளதாக முதலமைச்சர் மு.க.ஸ்டாலின் டிச. 2-ம் தேதி அறிவித்தார்.
இந்நிலையில், சென்னை மெரினா கடற்கரை பகுதியில் தண்ணீர் தேங்கியுள்ள சாலையில் மனிதர் ஒருவர் மிதப்பதை காட்டும் வீடியோ ஒன்று தற்போது வைரலாகி வருகிறது.
ஒரு ட்விட்டர் (எக்ஸ்) பயனர் வீடியோவைப் பகிர்ந்து, “#CycloneFengal Vote for Freebies & Enjoy Boat ride on Road.” என பதிவிட்டுள்ளார். அதன் காப்பகத்தை இங்கே காணலாம்.
இது புனேவில் இருந்து எடுக்கப்பட்ட பழைய வீடியோ என்று இந்தியா டுடே கண்டறிந்துள்ளது.
உண்மை சரிபார்ப்பு:
இதுகுறித்த தலைகீழ் படத் தேடலின் உதவியுடன், “dj_praful_official_” இன்ஸ்டாகிராம் கணக்கில் ஜூன் 8 அன்று வீடியோ பகிரப்பட்டது கண்டறியப்பட்டது. இது “ஏர்வாடா பகுதி 2” என்று தலைப்பிடப்பட்டிருந்தது. கணக்கு ஜூன் 4 அன்று இதேபோன்ற மற்றொரு வீடியோவைப் பகிர்ந்துள்ளது. அதற்கு “ஏர்வாடா” என்று தலைப்பிட்டது. தண்ணீர் தேங்கிய அதே சாலையில் மெத்தையில் ஒரு மனிதன் மிதந்து செல்வது இதில் இடம்பெற்றுள்ளது.
மகாராஷ்டிர மாநிலம் புனே மாவட்டத்தில் உள்ள ஒரு பகுதி எர்வாடா. இன்ஸ்டாகிராம் பயனரான பிரஃபுல் சோனாவானே, புனேவில் வசிப்பதாக தனது சுயவிவரத்தில் குறிப்பிட்டுள்ளார்.
புனேவின் தெருக்களில் மழை வெள்ளத்தில் மூழ்கிய நேரத்தில் முதல் வீடியோ சமூக ஊடகங்களில் வைரலானது. பல செய்தி நிறுவனங்கள் இந்த வீடியோவைப் பற்றிய செய்திகளை வெளியிட்டன மற்றும் இது புனேவில் இருந்து வந்ததாகக் கூறியது.
வைரல் வீடியோவில் காணப்பட்ட தெருவை இந்தியா டுடே புவி இருப்பிடப்பட்டது. நீர் தேங்கி நிற்கும் தெருவுக்குப் பின்னால் உள்ள ஒரு கட்டிடத்தில் Deutsche Bank Groupக்கான பலகையைக் காணலாம். இந்தத் தகவலைப் பயன்படுத்தி, புனேவின் எரவாடாவில் உள்ள கட்டிடத்தை கூகுள் ஸ்ட்ரீட் வியூவில் கண்டுபிடிக்கப்பட்டது.
முடிவு:
இந்த வீடியோ சென்னை மெரினா கடற்கரையில் இருந்து எடுக்கப்பட்டது என்ற பதிவை தமிழக அரசின் உண்மைச் சோதனை பிரிவு மறுத்துள்ளது.
Note : This story was originally published by ‘India Today’ and translated by ‘News7 Tamil’ as part of the Shakti Collective.
