This News Fact Checked by ‘FACTLY’
இணைய பிரபலம் தீபக் கலால் விமானத்தில் பயணி ஒருவருடன் சண்டையிடுவதாகக் கூறப்படும் வீடியோ சமூக ஊடகங்களில் பகிரப்பட்டு வருகிறது. இதுகுறித்த உண்மை சரிபார்ப்பை காணலாம்.
வைரலான வீடியோவில் (இங்கே, இங்கே மற்றும் இங்கே), தீபக் கலால் சக பயணி ஒருவருடன் வாக்குவாதத்தில் ஈடுபடுவதைக் காணலாம். அது விரைவில் சண்டையாக மாறுகிறது. இந்தக் கூற்றின் உண்மைத்தன்மையைச் சரிபார்க்க, இணையத்தில் முக்கிய வார்த்தைகள் தேடப்பட்டது. அதே வீடியோ தீபக் கலலின் இன்ஸ்டாகிராம் பக்கத்தில் கிடைத்தது.
இந்த பதிவின் காப்பகப்படுத்தப்பட்ட பதிப்பை இங்கே காணலாம்.
தீபக் வீடியோவின் இரண்டு பதிப்புகளை (இங்கே, இங்கே) தனது பக்கத்தில் பதிவேற்றினார். இந்த பதிவுகளின் விளக்கம் இந்த சண்டை எவ்வாறு ஏற்பட்டது என்பதை விவரிக்கிறது. அதைத் தணிக்க விமானக் குழுவினர் மேற்கொண்ட முயற்சிகளை விவரிக்கிறது. ஆனால், இந்த சம்பவம் நடந்த விமானத்தின் பெயரை தீபக் குறிப்பிடவில்லை.
மேலும், இதைப் பற்றிய கூடுதல் விவரங்களை அறிய, வைரல் வீடியோவின் சில முக்கிய பிரேம்களில் தலைகீழ் படத் தேடலை மேற்கொண்டபோது, அதே வீடியோவை இன்ஸ்டாகிராம் பக்கத்தில் விமானப் போக்குவரத்து, விருந்தோம்பல், பயணம் மற்றும் சுற்றுலா மேலாண்மை பயிற்சி நிறுவனமான ‘ஃப்ளை ஹை’ என்ற பெயரில் காணப்பட்டது. இது நாக்பூரில் அமைந்துள்ளது. தீபக் கலாலின் பதிவை போலவே ஒரு பதிவு விளக்கத்துடன் வீடியோவைப் பதிவேற்றியுள்ளனர்.
அவர்களின் இன்ஸ்டாகிராம் பக்கத்தைப் பார்க்கும்போது, விமானத்தில் படமாக்கப்பட்ட பல வீடியோக்கள் (இங்கு) கிடைத்தன. இந்த பதிவுகள் பெரும்பாலும் ஒரு விமானத்தில் நிகழக்கூடிய பல்வேறு காட்சிகளைச் சுற்றி வருகின்றன. அவற்றில் பெரும்பாலானவை ஒரு வயதான நபரைக் காட்டுகின்றன (இங்கே, இங்கே).
ஒரு விமானத்தில் வரக்கூடிய பல்வேறு சூழ்நிலைகளில் கேபின் குழுவினர் எப்படி நடந்துகொள்வார்கள் என்பதை விளக்கும் கல்வி வீடியோக்கள் இவை. தீபக்கின் வீடியோவும் அத்தகைய கல்வி மற்றும் தகவல் தரும் வீடியோவாக இருந்தது என்பதை இது தெளிவாக்குகிறது.
கூடுதலாக, இந்த வைரல் வீடியோவில் மீடியா அறிக்கைகளும் (இங்கே, இங்கே, இங்கே) காணப்பட்டது. இது வைரல் வீடியோவை ஃப்ளை ஹை இன்ஸ்டிடியூட் ஒரு நடைமுறையாக நிகழ்த்திய செயல் என்று விவரிக்கிறது. இந்த நிகழ்வை உண்மையாக விமானத்தில் நடந்த சம்பவம் என்று விவரிக்கும் செய்திகள் எவையும் நாங்கள் காணவில்லை.
முடிவு:
வைரலான வீடியோ தீபக் கலலுக்கும் விமானத்தில் பயணிக்கும் ஒரு பயணிக்கும் இடையே நடந்த சண்டையைக் காட்டவில்லை. இது ஒரு விமானப் பயிற்சி நிறுவனத்தால் தயாரிக்கப்பட்ட குழு பயிற்சி வீடியோ என உறுதி செய்யப்பட்டது.
Note : This story was originally published by ‘FACTLY’ and Translated by ‘News7 Tamil’ as part of the Shakti Collective.
