This News Fact Checked by ‘Newschecker‘
மும்பையில் நடைபெற்ற இந்தியா கூட்டணியின் பொதுக்கூட்டத்தில் எடுக்கப்பட்ட வீடியோ என்று பகிரப்படும் வீடியோ 2 ஆண்டுகளுக்கு முந்தையது என நிரூபணம் செய்யப்பட்டுள்ளது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இந்தியா கூட்டணியின் பொதுக்கூட்டம் கடந்த மே 18-ம் தேதி மும்பையில் நடந்தது. அக்கூட்டத்தில் எடுக்கப்பட்ட வீடியோ என்று குறிப்பிட்டு வீடியோ ஒன்று சமூக வலைத்தளங்களில் பரவி வரும் வீடியோ 2 ஆண்டுகள் பழமையானது என நிரூபணம் செய்யப்பட்டுள்ளது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் ஆய்வு செய்ய முடிவு செய்யப்பட்டது.
உண்மை சரிபார்ப்பு:
இந்தியா கூட்டணியின் மும்பை பொதுக்கூட்டத்தின் எடுக்கப்பட்டதாக வீடியோ ஒன்று வைரலானதை தொடர்ந்து அவ்வீடியோவை தனித்தனி கீஃபிரேம்களாக பிரித்து, அவற்றை ரிவர்ஸ் சர்ச் முறைக்கு உட்படுத்தி அவ்வீடியோ குறித்து தேடப்பட்டது.
இத்தேடலில் @CAshivrajshetty என்ற பயனர் ஐடியை கொண்ட ட்விட்டர் (எக்ஸ்) பக்கத்தில் சிவசேனா பொதுக்கூட்டத்தில் எடுக்கப்பட்டதாக கூறி இதே வீடியோ மே 15, 2022 அன்று பதிவிடப்பட்டிருப்பது கண்டறியப்பட்டது.
தொடர்ந்து தேடியதில் மேலும் சில எக்ஸ் கணக்குகளில் மே 15, 2022 அன்று இதே வீடியோ பதிவிடப்பட்டிருப்பதை காண முடிந்தது. இதன் அடிப்படையில் பார்க்கையில் வைரலாகும் வீடியோ அண்மையில் நடந்த பொதுக்கூட்டத்தில் எடுக்கப்பட்டதல்ல, அவ்வீடியோ 2 ஆண்டுகளுக்கு முந்திய பழைய வீடியோ என உறுதியாகியுள்ளது.
இதனைத் தொடர்ந்து தேடியதில் மே 14, 2022 அன்று மும்பையில் சிவசேனா கட்சி சார்பில் மாபெரும் பொதுக்கூட்டம் நடத்தப்பட்டதாக நியூஸ் 18 லோக்மத் யூடியூப் பக்கத்தில் வீடியோ ஒன்று வெளியிடப்பட்டிருப்பதை காண முடிந்தது. அவ்வீடியோவில் காணப்பட்ட பொதுக்கூட்ட பகுதியையும், வைரலாகும் வீடியோவில் காணப்பட்ட பொதுக்கூட்ட பகுதியையும் ஒப்பிட்டு பார்க்கையில் இரண்டும் ஒரே கூட்டத்தில் எடுக்கப்பட்டது என்பது கண்டறியப்பட்டது.
முடிவு:
இந்தியா கூட்டணியின் மும்பை பொதுக்கூட்டத்தின் வீடியோ என்று பரப்பப்படும் வீடியோ இரண்டுகளுக்கு பழைய வீடியோவாகும். அவ்வீடியோவானது 2022 மே மாதத்தில் சிவசேனா கட்சி மும்பையில் நடத்திய பொதுக்கூட்டத்தில் எடுக்கப்பட்டதாகும். இது கிடைத்த ஆதாரங்களின் வாயிலாக தெளிவாகியுள்ளது.
Note : This story was originally published by ‘Newschecker’ and Republished by ‘News7 Tamil’ as part of the Shakti Collective.
