ஐபிஎல் 2023 கிரிக்கெட் தொடரில், பஞ்சாப் கிங்ஸ் அணியை 6 விக்கெட்டுகள் வித்தியாசத்தில் வீழ்த்தி மும்பை இந்தியன்ஸ் அணி வெற்றி பெற்றுள்ளது.
ஐபிஎல் தொடரின் 16வது சீசன் கோலாகலமாகத் தொடங்கி நடைபெற்று வருகிறது. மொத்தம் 10 அணிகள் பங்கேற்றுள்ள இந்த தொடரில், ஒவ்வொரு அணியும் போட்டிகளில் வெற்றி பெற தீவிரம் காட்டி வருகின்றன. அந்த வகையில், மொஹாலியில் நடைபெற்ற ஆட்டத்தில் மும்பை இந்தியன்ஸ் அணியும் பஞ்சாப் கிங்ஸ் அணியும் மோதின.
இதில் டாஸ் வென்ற மும்பை இந்தியன்ஸ் அணி பந்துவீச்சை தேர்வு செய்தது. அதன்படி முதலில் களமிறங்கிய பஞ்சாப் கிங்ஸ் அணி 20 ஓவர்கள் முடிவில் 3 விக்கெட்டுகள் இழப்பிற்கு 214 ரன்கள் குவித்தது.அதிரடியாக விளையாடிய லிவிங்ஸ்டன் 42 பந்துகளில் 82 ரன்கள் விளாசினார்.
இதையும் படியுங்கள் : குறுக்கிட்ட மழை…. சென்னை – லக்னோ அணிகளுக்கு இடையிலான ஐபிஎல் ஆட்டம் ரத்து!
இதையடுத்து 215 ரன்கள் எடுத்தால் வெற்றி என்ற இலக்குடன் களமிறங்கிய 18.5 ஓவர்களில் 4 விக்கெட்டுகள் இழப்பிற்கு 216 ரன்கள் அடித்து அசத்தல் வெற்றி பெற்றது. அதிகபட்சமாக இஷான் கிஷன் 41 பந்துகளில் 75 ரன்களும், சூர்யகுமார் யாதவ் 31 பந்துகளில் 66 ரன்களும் விளாசினர். இவ்வாறு 6 விக்கெட்டுகள் வித்தியாசத்தில் வெற்றி பெற்ற மும்பை இந்தியன்ஸ் அணி, புள்ளிப்பட்டியலில் 6வது இடத்திற்கு முன்னேறியுள்ளது.
