முக்கியச் செய்திகள் இந்தியா தமிழகம்

4 ஆண்டு ஹானர்ஸ் படிப்பு அறிமுகம்; யுஜிசி அறிவிப்பு

புதிய கல்விக் கொள்கை 2020ன் படி- 4 ஆண்டு ஹானர்ஸ் படிப்பிற்கான பரிந்துரையை யுஜிசி வழங்கியுள்ளது.

உயர்கல்வியில், புதிய கல்விக் கொள்கை -2020(NEP)ஐ நடைமுறைப்படுத்துவதில் பல்கலைக்கழக மானியக் குழு (UGC) தீவிரமாக ஈடுபட்டு வருகிறது. அந்த வகையில் 4 ஆண்டு இளநிலை ஹானர்ஸ் படிப்பை UGC அறிமுகப்படுத்தி உள்ளது.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

இந்த நான்கு ஆண்டு இளநிலை படிப்பில், முதல் ஆண்டு (2 செமஸ்டர்கள்) படித்தால் சான்றிதழ் படிப்பிற்கான தகுதிச் சான்றிதழும்,  2 ஆண்டுகள் (4 செமஸ்டர்கள்) படித்தால் பட்டயச்சான்றிதழும்,  3 ஆண்டுகள் (6 செமஸ்டர்கள்) படித்தால் இளநிலை பட்டமும், 4 ஆண்டுகள் (8 செமஸ்டர்கள்) படித்தால் கௌரவ இளநிலை பட்டமும் வழங்கப்படும் என்று யுஜிசி தெரிவித்துள்ளது.

மேலும் மாணவர்களுக்கான தேர்வு முறை மற்றும் மதிப்பெண்கள் அடிப்படையில் அவர்களுக்கான ஹானர்ஸ் பட்டம் வழங்கப்பட உள்ளது. முதல் 6 செமஸ்டர்களில் 75 சதவீத மதிப்பெண் எடுத்திருக்கும் மாணவர்கள் ஆய்வு படிப்பை மேற்கொள்ள விரும்பினால், 4வது ஆண்டில் சேரலாம். 4 ஆண்டு முடிவில் 160 மதிப்பெண்கள் பெறும் மாணவர்களுக்கு ஹானர்ஸ் பட்டம் மற்றும் ஆராய்ச்சியுடன் கூடிய ஹானர்ஸ் பட்டம் வழங்கப்படும்.

இளங்கலை படிப்பில் 40 மதிப்பெண்களுடன் முதலாம் ஆண்டில் படிப்பை நிறுத்த விரும்பும் மாணவர்கள் முதலாமாண்டு கோடை விடுமுறையில் கூடுதலாக 4 மதிப்பெண்களுடன் ஏதாவது ஒரு தொழிற்கல்வி படிப்பை முடித்திருந்தால், அவர்கள் 3 ஆண்டிற்குள் மீண்டும் சேர்ந்து, 7 ஆண்டுகளுக்குள் படிப்பை முடித்துக் கொள்ளலாம்.

அதே போல், 80 மதிப்பெண்களுடன் 2வது ஆண்டில் படிப்பை நிறுத்த விரும்பும் மாணவர்கள், 2வது ஆண்டு கோடை விடுமுறையில் கூடுதலாக 4 மதிப்பெண்களுடன் ஏதாவது ஒரு தொழிற்கல்வி படிப்பை முடித்திருந்தால், அவர்கள் 3 ஆண்டிற்குள் மீண்டும் சேர்ந்து, 7 ஆண்டுகளுக்குள் படிப்பை முடித்துக் கொள்ளலாம் என்றும் தெரிவித்துள்ளது.

இந்த நான்கு ஆண்டுகள் பாடத்திட்டத்தை நடைமுறைப்படுத்தாவிட்டாலும், மூன்று ஆண்டுகள் நடைமுறையில் உள்ள பாடத்திட்டத்தில் புதிய வழிமுறைகளை பின்பற்ற வேண்டும் எனவும் யுஜிசி அறிவுறுத்தி உள்ளது.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

கௌரவ விரிவுரையாளர் பணிக்கு ஜன. 3ம் தேதி நேர்முக தேர்வு- அமைச்சர் பொன்முடி

Jayasheeba

செம்பரம்பாக்கம், புழல் ஏரிகளில் இருந்து திறக்கப்படும் தண்ணீர் அளவு உயர்வு

Halley Karthik

அதிகரிக்கும் கொரோனா: ஒரே நாளில் 33,658 பேருக்கு தொற்று உறுதி!

Halley Karthik