இந்தியாவில் வரும் 24ம் தேதி ஐகூ 15R ஸ்மார்ட்போன் அறிமுகம் செய்யப்பட உள்ளது. இந்த ஸ்மார்ட்போன் உயர்-செயல்திறன் சாதனமாக நிலை நிறுத்தப்பட்டுள்ளது. குறிப்பாக இந்த ஸ்மார்ட்போனில் கேமிங் மற்றும் அதிக செயல்திறன் தேவைப்படும் பணிகளைக் கையாள்வதில் அதிக கவனம் செலுத்துகிறது. இதில் பல பிரத்யேக சிப்கள் இணைக்கப்பட்டுள்ளன. ஸ்மார்ட்போன் வெளியீட்டிற்கு முன்னதாகவே, ஐகூநிறுவனம் உறுதிப்படுத்தப்பட்ட அம்சங்களை பகிர்ந்து வருகிறது. இந்த நிலையில் தொலைபேசியின் பெரிய பேட்டரி திறனை அந்நிறுவனம் முன்னிலைப்படுத்தியுள்ளது.
ஐகூ 15R ஸ்மார்ட்போனில் 7,600mAh பேட்டரி இடம்பெறும் என்பது உறுதி செய்யப்பட்டுள்ளது. இது தொடர்பாக அந்நிறுவனம் எக்ஸ் தளத்தில் பதிவு ஒன்றை வெளியிட்டுள்ளது. அந்த பதிவில், “iQOO 15R இந்தியாவின் 7600mAh பேட்டரி பிரிவில் உள்ள மெலிதான ஸ்மார்ட்போனாக உயர்ந்து நிற்கிறது. இது ஜனவரி 22 தேதியிட்ட ஒரு அறிக்கையில் டெக் ஆர்க் நிறுவனத்தால் உறுதிப்படுத்தப்பட்டுள்ளது.
பிப்ரவரி 24 வரை 7,600mAh திறன் கொண்ட பேட்டரியுடன் அறிமுகப்படுத்தப்படும் சாதனங்களில் மிக மெல்லிய சாதனமாக ஸ்மார்ட்போன் நிலைநிறுத்துகிறது. புதிய ஐகூ15R ஸ்மார்ட்போன் குவால்காம் நிறுவனத்தின் ஸ்னாப்டிராகன் 8 ஜென் 5 சிப்செட்டில் இயங்குகிறது. இது கேமிங் செயல்திறனை மேம்படுத்தும் Q2 சூப்பர்-கம்ப்யூட்டிங் சிப் மற்றும் பிரத்யேக நெட்வொர்க் மேம்பாட்டு சிப் ஆகியவற்றால் பூர்த்தி செய்யப்படுகிறது. மேலும் 1.5K கேம் சூப்பர் ரெசல்யூஷனுடன், iQOO 15R ஒவ்வொரு பிரேமையும் கூர்மைப்படுத்துகிறது, இதனால் நீங்கள் விளையாடும்போது தெளிவான காட்சிகள், சிறந்த ஆழம் மற்றும் மென்மையான இயக்கம் கிடைக்கும்.
இந்த ஸ்மார்ட்போன் ஆண்ட்ராய்டு 16 சார்ந்த ஒரிஜின் ஓஎஸ் 6 உடன் வரும். ஐகூ நிறுவனம் 4 முக்கிய ஆண்ட்ராய்டு ஓஎஸ் அப்டேட்கள் மற்றும் 6 ஆண்டுகள் செக்யூரிட்டி பேட்ச்களை வழங்குவதாக உறுதியளித்துள்ளது. இரட்டைப் பின்புற கேமரா அமைப்பில் 200MP பிரைமரி கேமரா சென்சார் மற்றும் 8MP அல்ட்ராவைடு சென்சார், அத்துடன் 32MP முன்பக்க கேமரா ஆகியவை இடம்பெறும் என்று எதிர்பார்க்கப்படுகிறது.
டிஸ்ப்ளே அம்சங்களில் 1.5K ரெசல்யூஷன் மற்றும் 144Hz ரிப்ரெஷ் ரேட் கொண்ட 6.59-இன்ச் AMOLED பேனல் இடம்பெறும் என்று எதிர்பார்க்கப்படுகிறது. இத்துடன் IP68, IP69 வாட்டர் மற்றும் டஸ்ட் ரெசிஸ்டண்ட் வசதியை பெறும் என்று எதிர்பார்க்கப்படுகிறது. 4 வருட Android புதுப்பிப்புகள் மற்றும் 6 வருட பாதுகாப்பு புதுப்பிப்புகள் மூலம், iQOO 15R உங்கள் அனுபவத்தை புதியதாகவும், பாதுகாப்பாகவும், எதிர்காலத்திற்குத் தயாராகவும் வைத்திருக்க வடிவமைக்கப்பட்டுள்ளது. மென்மையான புதுப்பிப்புகள், வலுவான பாதுகாப்பு மற்றும் உங்களுடன் தொடர்ந்து உருவாகி வரும் செயல்திறன். iQOO 15R பிப்ரவரி 24 அன்று அறிமுகப்படுத்தப்படுகிறது” என்று தெரிவிக்கப்பட்டுள்ளது.
