உலகக்கோப்பை ஹாக்கி தொடரில் ஜெர்மனி அணி 3வது முறையாக சாம்பியன் பட்டம் வென்றது.
15வது உலகக் கோப்பை ஹாக்கி தொடர் கடந்த ஜனவரி 13ம் தேதி தொடங்கி, ஒடிசாவில் உள்ள புவனேஸ்வர் மற்றும் ரூர்கேலாவில் கோலாகலமாக நடைபெற்று வந்தது. தொடரில் பங்கேற்ற 16 அணிகள் 4 பிரிவுகளாக பிரிக்கப்பட்டு போட்டிகள் நடத்தப்பட்டன.
அனைத்து லீக், காலியிறுதி மற்றும் அரையிறுதி முடிவில் நடப்பு சாம்பியன் பெல்ஜியம் அணியும், முன்னாள் சாம்பியனான ஜெர்மனியும் இறுதிப்போட்டிக்கு தகுதி பெற்றது. இதையடுத்து இறுதிப்போட்டியில் பெல்ஜியம் அணி மற்றும் ஜெர்மனி அணிகள் நேருக்குநேர் மோதின. மிகவும் விறுவிறுப்பாக சென்று கொண்டிருந்த போடியில் முதல் 2 கோல்களை பெல்ஜியம் பதிவு செய்ய ஜெர்மனி எந்த கோலையும் பதிவு செய்யவில்லை.
ஆட்ட நேர முடிவில் 3-3 என்ற கோல் கணக்கில் இரு அணிகளும் சம வகிக்க பெனாலிடி சூட் அவுட் முறைக்கு ஆட்டம் சென்றது.
தொடர்ந்து பெனால்டி ஷூட்அவுட் முறை நடத்தப்பட்டது. இதில் பெல்ஜியம் 4 கோல்கள் அடித்த நிலையில், ஜெர்மனி 5 கோல்களை அடித்து வெற்றி பெற்றது. இதன் மூலம் ஜெர்மனி அணி மூன்றாவது முறையாக உலக ஹாக்கி தொடரில் சாம்பியன் பட்டம் வென்றது.
