சென்னையில் ஆபரணத் தங்கத்தின் விலை 2 நாட்களில் ரூ.1160 குறைந்து ரூ.57 ஆயிரத்து 120-க்கு விற்பனை செய்யப்படுகிறது.
தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது ஏற்ற, இறக்கத்துடன் காணப்பட்டு வருகிறது. இந்த நிலையில் கடந்து 3 நாட்களில் ஆபரணதங்கத்தின் விலை சவரனுக்கு ரூ.1360 உயர்ந்து கடந்த 11-ந்தேதி ஒரு சவரன் 58 ஆயிரத்தை தாண்டி விற்பனையானது.
இதற்கிடையே நேற்று தங்கம் விலை சவரனுக்கு ரூ.440 குறைந்து ஒரு கிராம் ரூ.7ஆயிரத்து 230 க்கும், ஒரு சவரன் ரூ.58 ஆயிரத்து 280 க்கும் விற்பனையானது. தங்கம் விலை 2 வது நாளாக இன்றும் சவரனுக்கு ரூ.720 குறைந்துள்ளது. தங்கம் விலை 2 நாட்களில் சவரனுக்கு ரூ.1,160 குறைந்துள்ளது.
அதன்படி, சென்னையில் ஆபரணத் தங்கத்தின் விலை சவரனுக்கு ரூ.720 குறைந்து ரூ.57 ஆயிரத்து 120 க்கும், கிராமுக்கு ரூ.90 குறைந்து ரூ.7 ஆயிரத்து 140க்கும் விற்பனை செய்யப்படுகிறது. அதேபோல் இன்று வெள்ளி விலையும் கிராமுக்கு ரூ.1 குறைந்து ரூ.101க்கு விற்பனை செய்யப்படுகிறது.
