தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. அந்த வகையில், கடந்த சில தினங்களுக்கு முன்பு தங்கம் ஒரு சவரன் ரூ.65,800-க்கும் விற்பனை செய்யப்பட்ட நிலையில் படிப்படியாக உயர்ந்த தங்கம் விலை கடந்த 12ம் தேதி ரூ.70 ஆயிரத்தை கடந்து வரலாற்றில் புதிய உச்சத்தை தொட்டது.
அன்றைய தினம் தங்கத்தின் விலை கிராமுக்கு ரூ.25 உயர்ந்து ரூ.8,770க்கும், சவரனுக்கு ரூ.200 உயர்ந்து ரூ.70,160 க்கும் விற்பனை செய்யப்பட்டது. தங்கம் விலை நேற்று முன்தினம் (ஏப்.17) கிராமுக்கு ரூ.105 ரூபாய் உயர்ந்து ரூ.8,920க்கும், ரூ.840 உயர்ந்து ரூ.71,360க்கு விற்பனை செய்யப்பட்டது. தொடர்ந்து, நேற்று (ஏப்.18) கிராமுக்கு ரூ.25 உயர்ந்து, ரூ.8,945-க்கும், சவரனுக்கு ரூ.200 உயர்ந்து ரூ.71,560-க்கும் விற்பனை செய்யப்பட்டது.
இந்த நிலையில், தங்கம் விலை இன்று விலை மாற்றமின்றி நேற்றைய விலைக்கே விற்பனை செய்யப்படுகிறது. அதன்படி, சென்னையில் ஆபரணத் தங்கத்தின் விலை ஒரு கிராம் ரூ.8,945-க்கும், சவரன் ரூ.200 உயர்ந்து ரூ.71,560-க்கும் விற்பனை செய்யப்படுகிறது. வெள்ளி விலையில் எந்த மாற்றமும் இல்லாமல் கிராம் ஒன்று ரூ.110க்கு விற்பனையாகிறது.
