ஒவ்வொரு ஆண்டும் தீபாவளி பண்டிகையை முன்னிட்டு மத்திய அரசு ஊழியர்களுக்கு போனஸ் வழங்கப்படுவது வழக்கம். அந்த வகையில் இந்தாண்டு தீபாவளி பண்டிகையை முன்னிட்டு ரயில்வே ஊழியர்களுக்கு போனஸ் வழங்குவது தொடர்பாக பிரதமர் நரேந்திர மோடி தலைமையில் மத்திய அமைச்சரவைக் கூட்டம் நடைபெற்றது.
அப்பொது ரயில்வே ஊழியர்களுக்கு 78 நாட்கள் ஊதியத்தை போனஸாக வழங்க ஒப்புதல் அளிக்கப்பட்டது. மத்திய அமைச்சரவைக் கூட்டம் முடிந்து செய்தியாளர்களைச் சந்தித்த மத்திய ரயில்வே அமைச்சர் அஸ்வினி வைஷ்ணவ் இந்த அறிவிப்பை வெளியிட்டுள்ளார்.
அப்போது பேசியவர், ரயில்வேயில் பணியாற்றும் 11.40 லட்சம் ஊழியர்களுக்கு 78 நாட்களுக்கு நிகரான ஊதியத்தை போனஸாக வழங்க மத்திய அமைச்சரவை ஒப்புதல் அளித்துள்ளது. இதன்படி, ரயில்வே ஊழியர்களுக்கு 2009.61 கோடி போனஸாக வழங்கப்படும். ரயில்வே ஊழியர் ஒருவருக்கு அதிகபட்சமாக ரூ.17,951 போனஸாக கிடைக்கும்.
