பள்ளி செல்லா மாற்றுத் திறனாளிகளைக் கண்டறிந்து, பள்ளிகளில் சேர்க்க வேண்டும் என்று அனைத்து மாவட்ட முதன்மைக் கல்வி அலுவலர்களுக்கும் பள்ளிக் கல்வித் துறை உத்தரவிட்டுள்ளது.
இதுகுறித்து பள்ளிக் கல்வித் துறை வெளியிட்டுள்ள அறிக்கையில், 6 முதல் 18 வயது வரை உள்ள பள்ளி செல்லா / இடைநின்ற மாற்றுத் திறனாளிகளைக் கண்டறிந்து பள்ளியில் சேர்க்க வேண்டும். வீடு, வீடாகச் சென்று கணக்கெடுத்து மாற்றுத் திறனாளிகளைக் கண்டறிய வேண்டும்.
பள்ளிகளில் சேர்த்த பின் 3 மாத கால பயிற்சி வழங்கி, இயலாமையைப் பொருத்து பள்ளிக் கல்வி அல்லது வீட்டு வழிக் கல்வியை தொடர ஏற்பாடு செய்ய வேண்டும். அனைவரும் கல்வி கற்பதை உறுதி செய்ய வேண்டும் எனத் தெரிவிக்கப்பட்டுள்ளது.
– ம.பவித்ரா
