நலன்குமாரசாமி இயக்கத்தில் கார்த்தி நடிக்கும் திரைப்படத்தின் பெயரை படக்குழு அறிவித்துள்ளது.
நடிகர் கார்த்தி நடிப்பில் விருமன், சர்தார், பொன்னியின் செல்வன் படங்கள் வியாபாரரீதியாக பெரும் வெற்றி பெற்றது. அதன்பின், ட்ரீம் வாரியர்ஸ் தயாரிப்பில் இயக்குநர் ராஜூ முருகன் இயக்கத்தில் ‘ஜப்பான்’ படத்தில் நடித்து முடித்துள்ளார். இது கார்த்தியின் 25-வது படமாகும்.
இதனை தொடர்ந்து, ‘சூது கவ்வும்’, ‘காதலும் கடந்து போகும்’ உள்ளிட்ட வெற்றிப்படங்களை இயக்கிய நலன் குமாரசாமி இயக்கத்தில் கார்த்தி நடித்து வருகிறார்.
இப்படத்தில் கார்த்திக்கு வில்லனாக நடிகர் சத்யராஜும் முக்கியக் கதாபாத்திரம் ஒன்றில் நடிகர் ராஜ்கிரணும் நடித்து வருவதாக தகவல் வெளியாகியிருந்த நிலையில், இப்படத்திற்கு ‘வா வாத்தியாரே’ என தலைப்பிட்டுள்ளதாக தகவல் வெளியாகியுள்ளது.
நலன் குமாரசாமியின் வித்தியாசமான கதையம்சமும், கார்த்திக்கின் அட்டகாசமான நடிப்பும் ஒன்று சேர்வதால் இவர்கள் கூட்டணியில் உருவாகும் திரைப்படம் ரசிகர்களிடையே மிகுந்த எதிர்பார்ப்பை ஏற்படுத்தியுள்ளது.
