This News Fact Checked by ‘FACTLY’
ஒய்எஸ்ஆர் காங்கிரஸ் தலைவர் ஒய்.எஸ்.ஜெகன், ஆந்திர முதலமைச்சர் சந்திரபாபு நாயுடு பற்றி கேள்வி கேட்டபோது, மன உளைச்சலில் எழுந்து சென்றுவிட்டார் என வீடியோ ஒன்று வைரலாகி வருகிறது. இதுகுறித்த உண்மை சரிபார்ப்பை காணலாம்.
வைரல் வீடியோ (இங்கே, இங்கே, இங்கே, இங்கே) தொடர்பான தகவல்களுக்கு, வீடியோவின் கீஃப்ரேம்களில் ரிவர்ஸ் இமேஜ் தேடுதல் மேற்கொள்ளப்பட்டு, வைரல் வீடியோ கிளிப்பின் முழு நீள வீடியோ கண்டுபிடிக்கப்பட்டது. இந்த வீடியோ 20 நவம்பர் 2024 அன்று ‘YSR காங்கிரஸ் கட்சியின்’ அதிகாரப்பூர்வ யூடியூப் சேனலில் நேரடியாக ஒளிபரப்பப்பட்டது. இந்த வீடியோவின் விளக்கத்தின்படி, வீடியோவில் உள்ள காட்சிகள் தடேபள்ளியில் நடைபெற்ற ஜெகன் மோகனின் செய்தியாளர் சந்திப்பைக் காட்டியது.
இந்த வீடியோவை முழுமையாக ஆராய்ந்தால், வைரலான வீடியோ கிளிப்பிங்கில் உள்ள காட்சிகள் 02:06:57 நேர முத்திரையில் தொடங்கி 02:07:25 நேர முத்திரையில் முடிவடையும் என்பது தெரியும். உண்மையில், இந்த பேட்டியில், ஆந்திர முன்னாள் முதலமைச்சரும், ஒய்எஸ்ஆர்சிபி தலைவருமான ஒய்எஸ் ஜெகன், சந்திரபாபு நாயுடு குறித்த கேள்விக்கு பதிலளித்தார்.
இந்த வீடியோவில், ஆந்திர முதலமைச்சர் சந்திரபாபு நாயுடு குறித்து ஜெகனிடம் கேள்வி கேட்டபோது, “யார் முதலமைச்சராக வந்தாலும் அவர்கள் செய்யும் நல்ல வேலைகள், மக்களின் ஆசீர்வாதத்தைப் பொறுத்தது, வேறு என்ன இருக்க முடியும்?” என்று கூறிவிட்டு வெளியேறினார்.
இதன் அடிப்படையில் ஆந்திர முதலமைச்சர் சந்திரபாபு பற்றிய கேள்விக்கு ஒய்.எஸ்.ஜெகன் பதில் சொல்லாமல் எழுந்து சென்று விட்டார் என்ற வகையில் வைரலான வீடியோ உருவாக்கப்பட்டது என்ற முடிவுக்கு வரலாம்.
முடிவு:
ஆந்திர முதலமைச்சர் சந்திரபாபுவின் ஆட்சி குறித்த கேள்விக்கு பதிலளிக்காமல் ஒய்.எஸ்.ஜெகன் எழுந்து சென்றுவிட்டார் என எடிட் செய்யப்பட்ட வீடியோ பகிரப்பட்டு வருகிறது.
Note : This story was originally published by ‘FACTLY’ and Translated by ‘News7 Tamil’ as part of the Shakti Collective.
