ஐபிஎல் 2023 கிரிக்கெட் தொடரில், ஐதராபாத் அணிக்கு எதிரான ஆட்டத்தில் 7 விக்கெட் வித்தியாசத்தில் சென்னை சூப்பர் கிங்ஸ் அணி வெற்றி பெற்றது.
ஐபிஎல் தொடரின் 16வது சீசன் கோலாகலமாகத் தொடங்கி நடைபெற்று வருகிறது. மொத்தம் 10 அணிகள் பங்கேற்றுள்ள இந்த தொடரில், ஒவ்வொரு அணியும் போட்டிகளில் வெற்றி பெற தீவிரம் காட்டி வருகின்றன. அந்த வகையில், சென்னை சேப்பாக்கம் மைதானத்தில் நடைபெற்ற ஆட்டத்தில் சன்ரைசர்ஸ் ஐதராபாத் அணியுடன் சென்னை சூப்பர் கிங்ஸ் அணி மோதியது.
இதில் டாஸ் வென்ற சென்னை அணி, பந்துவீச்சை தேர்வு செய்தது. அதன்படி முதலில் களமிறங்கிய ஐதராபாத் அணி 20 ஓவர்கள் முடிவில் 7 விக்கெட்டுகள் இழப்பிற்கு 134 ரன்கள் எடுத்தது. அதிகபட்சமாக அபிஷேக் ஷர்மா 34 ரன்கள் அடித்தார். சென்னை அணி தரப்பில் ரவீந்திர ஜடேஜா 3 விக்கெட்டுகள் வீழ்த்தி அசத்தினார்.
இதையும் படியுங்கள் : ரம்ஜான் நாளில் ரசிகர்களுக்கு ட்ரீட் தரும் ’மாவீரன்’ படக்குழு!!
இதையடுத்து 135 ரன்கள் எடுத்தால் வெற்றி என்ற இலக்குடன் களமிறங்கிய சென்னை சூப்பர் கிங்ஸ், 18.4 ஓவர்களில் 138 ரன்கள் எடுத்து வெற்றி பெற்றது. அதிகபட்சமாக டெவான் கான்வே 57 பந்துகளில் 77 ரன்கள் விளாசினார். ஐதராபாத் அணிக்கு எதிராக வெற்றி பெற்றுள்ள சென்னை சூப்பர் கிங்ஸ் அணி, புள்ளிப்பட்டியலில் 8 புள்ளிகளுடன் 3வது இடத்தில் உள்ளது.
