ஏழுமலையான் கோயிலில் பிரமோற்சவ விழாவிற்கான அனைத்து ஏற்பாடுகளும் தயார் நிலையில் உள்ளன.
திருப்பதியில் பிரம்மோற்சவ விழா வருகிற 18-ம் தேதி கொடியேற்றத்துடன் தொடங்குகிறது. இதைத்தொடர்ந்து, 22-ம் தேதி கருட சேவையும், 23-ம் தேதி தங்க தேரோட்டமும் நடைபெற உள்ளன.
கோயில் முழுவதும் சுத்தம் செய்யப்பட்டு மின்விளக்குகளால் அலங்காரம் செய்யப்பட்டுள்ளது. மேலும், பக்தர்களுக்கு தேவையான அடிப்படை வசதிகளும் செய்து வருகின்றனர்.
முக்கிய நிகழ்வான கருட சேவையின் போது நான்கு மாட வீதிகளில் அமைக்கப்பட்டுள்ள கேலரிகளில் 2 லட்சம் பக்தர்களை அனுமதிக்க முடிவு செய்துள்ளனர்.
