வெற்றிமாறன் – சிம்பு கூட்டணியில் உருவாகவுள்ள படம் ‘அரசன்’. வட சென்னை யூனிவர்சில் உருவாக உள்ள இப்படத்திற்கு ரசிகர்கள் மத்தியில் பெரும் எதிர்பார்ப்பு உள்ளது.
கலைப்புலி தாணு தயாரிக்கும் இப்படத்தில் அனிருத் இசையமைப்பதாக கூறப்படுகிறது. இதனிடையே அரசன் படத்தின் புரோமோ அக்டோபர் 16ஆம் தேதி மாலை 6 மணிக்கு சில திரையரங்குகளிலும் அக்டோபர் 17ல் யூடியூப்பிலும் வெளியாகுமென அறிவிக்கப்பட்டது.
இதனை தொடர்ந்து நாளை அரசன் படத்தின் புரொமோ திரையங்குகளில் வெளியாக உள்ள தியேட்டர்களில் முன்பதிவுகள் கலைகட்டியது.
இந்த நிலையில் இன்று நடிகர் சிம்பு எக்ஸ் பதிவு ஒன்றை வெளியிட்டுள்ளார். அதில் “எனதருமை ரத்தங்களே! வெற்றி மாறன் சாரின் திரையரங்குக்கான அரசன் பட புரோமோவை கண்டு களித்தேன். நான் சொல்றேன். டைம் (நேரம்) கிடைத்தால் தியேட்டரில் பாருங்கள். திரையரங்க அனுபவத்தை தவறவிடாதீர்கள். அவ்வளவு மதிப்புடையது” என்று தெரிவித்துள்ளார்.
