முக்கியச் செய்திகள் குற்றம்

அதிமுக அலுவலக சீல் வழக்கு ; நாளை உத்தரவு பிறப்பிக்கிறது சென்னை உயர் நீதிமன்றம்

அதிமுக அலுவலகத்துக்குச் சீல் வைத்ததை எதிர்த்து கட்சியின் இடைக்கால பொதுச் செயலாளர் எடப்பாடி பழனிசாமியும், முன்னாள் முதலமைச்சர் ஓ.பன்னீர்செல்வமும் தாக்கல் செய்த மனுக்கள் மீது சென்னை உயர் நீதிமன்றம் நாளை உத்தரவு பிறப்பிக்க உள்ளது.

ஜூலை 11-ஆம் தேதி அதிமுக பொதுக்குழுக் கூட்டம் நடந்த போது, சென்னை ராயப்பேட்டையில் உள்ள கட்சித் தலைமை அலுவலகத்தின் முன், எடப்பாடி பழனிசாமி மற்றும் ஓ.பன்னீர்செல்வம் ஆதரவாளர்களிடையே மோதல் ஏற்பட்டது. இந்த வன்முறைச் சம்பவத்தை அடுத்து, கட்சி அலுவலகத்துக்குச் சீல் வைத்து வருவாய்க் கோட்டாட்சியர் உத்தரவு பிறப்பித்தார். இந்த உத்தரவை ரத்து செய்யக் கோரி எடப்பாடி பழனிச்சாமி மற்றும் ஓ.பன்னீர்செல்வம் தரப்பில் தனித்தனியாகச் சென்னை உயர் நீதிமன்றத்தில் மனுக்கள் தாக்கல் செய்யப்பட்டன.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

வழக்கு விசாரணையின் போது, தலைமை அலுவலகம் யாருக்குச் சொந்தம் என்பது தொடர்பாக எந்த நீதிமன்றங்களிலும் வழக்கு நிலுவையில் இல்லை எனவும், வழக்கு நிலுவையிலிருந்தால் சீல் வைக்க முடியாது எனவும், பொது அமைதிக்குக் குந்தகம் ஏற்பட்டதால் மட்டுமே சீல் வைக்கப்பட்டது எனவும் அரசு தரப்பில் விளக்கமளிக்கப்பட்டது. மேலும், தற்போது இரு தரப்பினருக்கும் இடையில் சமாதானம் ஏற்படவில்லை எனவும், மீண்டும் பிரச்சினை ஏற்படாது என்பதற்கு எந்த உத்தரவாதமும் இல்லை என்பதால் பொது அமைதி, மக்கள், பள்ளி குழந்தைகள் பாதுகாப்பு கருதி சீல் வைத்த உத்தரவை ரத்து செய்யக் கூடாது எனவும் வாதிடப்பட்டது. அப்போது, சீல் வைத்ததை எதிர்த்துச் சம்பந்தப்பட்ட அதிகாரியையோ, சிவில் நீதிமன்றத்தையோ அணுகலாம் எனவும் குறிப்பிட்டார்.

அண்மைச் செய்தி: ‘அதிமுக பொதுக்குழு வழக்கு; ஆகஸ்ட் 2-ஆம் தேதிக்குத் தள்ளி வைப்பு’

எடப்பாடி பழனிச்சாமி தரப்பில் ஆஜரான மூத்த வழக்கறிஞர் விஜய் நாராயண், சம்பவ இடத்தில் ஓ.பன்னீர்செல்வத்தின் பாதுகாப்பு வீரர்களைத் தவிர வேறு எந்த போலீசாரும் இல்லை எனவும், என்ன நடந்தது என்பதற்கு வீடியோ ஆதாரங்களே போதுமானது எனவும் தெரிவித்தார். மேலும், கட்சி அலுவலகம் அவருக்குச் சொந்தமானதாக இருந்தால் அவர் ஏன் அலுவலக கதவை உடைத்துக் கோப்புகளை எடுத்துச் செல்ல வேண்டும்? எனக் கேள்வி எழுப்பிய எடப்பாடி பழனிசாமி தரப்பு மூத்த வழக்கறிஞர், சம்பவம் நடந்த தேதியில் கட்சியின் தலைமை நிலைய செயலாளர் எடப்பாடி பழனிச்சாமி தான் என்பதைப் பன்னீர்செல்வம் தனது மனுவில் ஒப்புக் கொண்டுள்ளார் எனக் குறிப்பிட்டார்.

அப்போது, ஓ.பன்னீர்செல்வம் தரப்பில் ஆஜரான மூத்த வழக்கறிஞர் அரவிந்த் பாண்டியன், கட்சியில் தனது பதவி என்ன என்பதைக் கட்சி அலுவலக உரிமை தொடர்பான விசாரணையில் தீர்மானிக்க முடியாது எனவும், பெரும்பான்மையான பொதுக்குழு செயற்குழு உறுப்பினர்கள் ஆதரவு உள்ளதால் மட்டுமே தொண்டர்கள் அனைவரும் எடப்பாடி பழனிசாமி பக்கம் இருப்பதாகக் கருத முடியாது என்றும் குறிப்பிட்டார். மேலும், கட்சி அலுவலகத்தின் உரிமை யாருக்கு என்பதை உரிமையியல் நீதிமன்றம் தான் முடிவு செய்ய முடியும் எனவும், கட்சி அலுவலகம் யாரிடம் இருக்கிறது என்றுதான் ஆர்.டி.ஓ பார்க்க வேண்டுமே தவிர யாருக்கு உரிமை உள்ளது என்பதைத் தீர்மானிக்க முடியாது. இரு தரப்பினருக்கும் இடையே உள்ள சர்ச்சையை நீதிமன்றத்தால் மட்டுமே தீர்க்க வேண்டும் என்பதால், அதுவரை அலுவலகத்தை மூடி வைத்திருக்கலாம் என்றும் ஓ.பன்னீர்செல்வம் தரப்பில் வாதிடப்பட்டது.

பொதுக்குழு நடக்கும் போது மாநிலம் முழுவதும் இருந்து கட்சியினர் வருவார்கள் என்பதால், கட்சி அலுவலகத்தைப் பூட்டி வைக்கும் பழக்கம் இல்லை எனவும், அப்படி தனது ஆதரவாளர்களுடன் அங்குச் சென்றதாகவும், ஆனால் பழனிசாமி தரப்பின் நான்கு மாவட்டச் செயலாளர்கள் வெளியில் அமர்ந்து கொண்டு உள்ளே நுழைவதைத் தடுத்ததாகவும் பன்னீர்செல்வம் தரப்பு மூத்த வழக்கறிஞர்கள் குற்றம் சாட்டினர். மேலும், கட்சி அலுவலகத்திற்குள் நுழைய முடியாது என்று எந்த நீதிமன்றமும் கூறவில்லை எனத் தெரிவித்த ஓ.பன்னீர்செல்வம் தரப்பு மூத்த வழக்கறிஞர்கள், பொதுக்குழுவுக்கு அனுமதியளித்து நீதிபதி கிருஷ்ணன் ராமசாமி பிறப்பித்த உத்தரவை எதிர்த்து உச்ச நீதிமன்றத்தில் மேல் முறையீடு செய்துள்ளதாகவும் குறிப்பிட்டனர். அனைத்து தரப்பு வாதங்களும் முடிவடைந்து வழக்கின் உத்தரவு ஒத்திவைக்கப்பட்டிருந்த நிலையில் நாளை பிறபகல் 2.15 மணிக்கு இந்த வழக்கில் நீதிபதி உத்தரவு பிறப்பிக்கிறார்.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

நியாயவிலைக்கடைகள் எண்ணிக்கை அதிகரிப்பு? – அமைச்சர் ஐ.பெரியசாமி

G SaravanaKumar

வேதாரண்யத்தில் கரை ஒதுங்கிய சீன படகு? போலீஸ் விசாரணை

G SaravanaKumar

சீர்காழி: மழைநீரில் மூழ்கிய 5 ஆயிரம் ஏக்கர் பயிர்கள் – விவசாயிகள் வேதனை

Arivazhagan Chinnasamy