இந்திய வானிலை ஆய்வு மையம் வெளியிட்டுள்ள செய்திக்குறிப்பில் கூறியுருப்பதாவது, “ இன்று அதிகாலை 5.30 மணியளவில் தென்கிழக்கு வங்கக்கடலில் புதிய காற்றழுத்த தாழ்வுப்பகுதி உருவானது. காற்றழுத்த தாழ்வுப்பகுதி வடமேற்கு திசையில் நகர்ந்து நாளை ஆழ்ந்த காற்றழுத்த தாழ்வுப் பகுதியாக வலுப்பெறும். நாளை மறுநாள் காற்றழுத்த தாழ்வு மண்டலமாக மாற வாய்ப்புள்ளது.
இதன் காரணமாக வரும் 13, 14 ஆகிய தேதிகளில் தென்கிழக்கு வங்கக்கடலில் 60 கி.மீ. வேகத்தில் சூறைக்காற்று வீசும். வரும் 15 முதல் 17-ந்தேதி வரை மணிக்கு 65 கி.மீ. வேகத்தில் சூறைக்காற்று காற்று வீசும். தென்மேற்கு வங்கக்கடல், மத்திய வங்கக்கடல் பகுதிகளில் சூறைக்காற்று வீசும் என எச்சரிக்கை விடுக்கப்பட்டுள்ளது.
தென்கிழக்கு வங்கக்கடலில் உருவான புதிய காற்றழுத்த தாழ்வு பகுதி, புயலாக மாறினால் ஈரான் பரிந்துரைத்த ‘அக்வான்’ என பெயரிடப்படும்” இவ்வாறு அதில் தெரிவிக்கப்பட்டுள்ளது.
