தேர்தல் பணியாற்றிய அரசு ஊழியர்களுக்கு ஜாக்பாட்! – ரூ.198 கோடி சிறப்பு ஊதியம் வழங்க தமிழக அரசு அரசாணை!

2026 தமிழ்நாடு சட்டமன்ற பொதுத்தேர்தல் (15.03.2026 முதல் 04.05.2026 வரை) கடுமையாக உழைத்த அரசு அலுவலர்கள், பணியாளர்களுக்கு சிறப்பு ஊதியம் (Honorarium) வழங்க தமிழக அரசு ரூ.198,00,84,000/- (ரூ.198 கோடியே 84 ஆயிரம்) நிதி ஒதுக்கி அதிரடி உத்தரவு பிறப்பித்துள்ளது.

1. ஒரு மாத அடிப்படை சம்பளம் – அதிகபட்சம் ரூ.45,000/-
   • மாவட்ட தேர்தல் அதிகாரிகள் / சட்டமன்ற தொகுதி தேர்தல் நடத்தும் அதிகாரிகள் (RO) / உதவி தேர்தல் நடத்தும் அதிகாரிகள் (ARO) / மாவட்ட வருவாய் அலுவலர் (தேர்தல்) / ஆட்சியரின் நேர்முக உதவியாளர் (தேர்தல்) / சிறப்பு வட்டாட்சியர்கள் (தேர்தல்)
   • மாநகராட்சி ஆணையர்கள் / மாவட்ட வருவாய் அலுவலர்கள் / துணை வட்டாட்சியர்கள் (தேர்தல்) / மண்டல அலுவலர்கள் / பார்வையாளர்களுக்கான தொடர்பு அலுவலர்கள்
2. ஒரு மாத அடிப்படை சம்பளம் – அதிகபட்சம் ரூ.30,000/-
   • மாவட்ட தேர்தல் அலுவலக தேர்தல் பிரிவில் பணியாற்றிய அலுவலர்கள், ஊழியர்கள், மாவட்ட வருவாய் அலுவலர்கள், வருவாய் கோட்டாட்சியர்கள், வட்டாட்சியர்கள், மாநகராட்சி / நகராட்சி ஆணையர்கள்.
   • பறக்கும் படை (Flying Squad) / வீடியோ கண்காணிப்பு குழு / வீடியோ பார்வை குழு / கணக்கு குழு / நடத்தை விதிமுறை குழு / உதவி செலவின பார்வையாளர்கள் / நிலையான கண்காணிப்பு குழு / மண்டல உதவியாளர்கள்.
3. அரை மாத அடிப்படை சம்பளம் (50%) – அதிகபட்சம் ரூ.20,000/-
   • ஆட்சியரின் நேர்முக உதவியாளர்கள் (பொது), Nodal Officers, கிராம நிர்வாக அலுவலர்கள் (VAO), கிராம உதவியாளர்கள் மற்றும் ஆட்சியர் அலுவலக வருவாய் பிரிவில் தேர்தல் பணியாற்றிய பிற பிரிவினர்.
4. மற்ற பணியாளர்கள்:
   • *சீனியர் புரோகிராமர்கள் / புரோகிராமர்கள் / IT ஊழியர்கள்:
     ரூ.20,000/-
   • தேர்தல் டேட்டா ஆபரேட்டர்கள்: ரூ.10,000/-
   • பிரிவு எழுத்தர்கள் (Section Writers): ரூ.7,500/-

முக்கிய நிபந்தனைகள்:

• 1.5.2026 அன்றைய அடிப்படை சம்பளத்தை வைத்து கணக்கிடப்படும்.
• தேர்தல் பணியில் முழுமையாக பணியாற்றியிருக்க வேண்டும், முறையான நியமன ஆணை இருக்க வேண்டும்.
• ஏற்கனவே ஊதியம் பெற்ற மண்டல அலுவலர்களுக்கு, அந்த தொகை கழித்து மீதி வழங்கப்படும்.
• ஒருவர் இரண்டு பிரிவில் தகுதி பெற்றாலும், ஏதேனும் ஒரு தலைப்பில் மட்டுமே பெற முடியும்.
• மாவட்ட தேர்தல் அதிகாரிகளே (District Collectors) ECS மூலம் பணத்தை நேரடியாக வழங்குவார்கள். ஒரு மாதத்திற்குள் அரசுக்கு விரிவான அறிக்கை சமர்ப்பிக்க வேண்டும்.

இந்த மொத்த செலவும் மாநில அரசே ஏற்கும் என்று நிதித்துறை ஒப்புதலுடன் ஆணை வெளியிடப்பட்டுள்ளது.