வெஸ்ட் இண்டீஸ் அணி இந்தியாவில் சுற்றுப்பயணம் மேற்கொண்டு 3 ஒருநாள் போட்டிகள் மற்றும் 5 டி20 போட்டிகள் கொண்ட தொடரில் விளையாடி வருகிறது. இந்நிலையில், இந்தியா-வெஸ்ட் இண்டீஸ் அணிகள் இடையிலான முதல் இரண்டு ஒருநாள் போட்டிகளிலும் இந்திய அணி அதிரடியாக ஆடி வெற்றி பெற்றது. இதன்மூலம் 2-0 என்ற கணக்கில் இந்திய அணி முன்னிலை வகிக்கிறது.
இந்த நிலையில், இரு அணிகளுக்கும் இடையிலான 3-வது மற்றும் கடைசி ஒருநாள் போட்டி இன்று சண்டிகரில் நடைபெற்று வருகிறது. இதில், டாஸ் வென்ற இந்திய அணியின் கேப்டன் சுப்மன் கில் பேட்டிங்கைத் தேர்வு செய்தார். அதன்படி, சுப்மன் கில் மற்றும் ரோகித் சர்மா ஆகியோர் தொடக்க ஆட்டக்காரர்களாக களமிறங்கினர். இந்நிலையில், கடந்த போட்டியில் இரட்டை சதமடித்த கேப்டன் சுப்மன் கில் 1 ரன்னுக்கு ஆட்டமிழந்து ஏமாற்றமளித்தார். அடுத்து வந்த விராட் கோலி கோல்டன் டக் அவுட் ஆகி பெவிலியன் திரும்பினார்.
இதனையடுத்து, நிதானமாக ஆடிய ரோகித் சர்மா மற்றும் ருத்துராஜ் ஆகியோர் அரைசதம் கடந்தனர். இந்த நிலையில், 85 பந்துகளில் 92 ரன்கள் எடுத்த நிலையில் ரோகித் சர்மா ஆட்டமிழந்தார். இதனையடுத்து, 57 ரன்கள் எடுத்த ருத்துராஜும் வெளியேறினார். அடுத்து வந்த கே.எல். ராகுல் அதிரடியாக ஆடி, 6 சிக்ஸர்கள், 10 ஃபோர்களுடன் 87 பந்துகளில் 129 ரன்கள் எடுத்து ஆட்டமிழக்காமல் இருந்தார். 50 ஓவர்கள் முடிவில் இந்திய அணி 5 விக்கெட் இழப்புக்கு 351 ரன்கள் எடுத்தது. வெஸ்ட் இண்டீஸ் சார்பில் ஜெய்டன் 3 விக்கெட்டுகளையும், கீமோ 2 விக்கெட்டுகளையும் வீழ்த்தினர்.
352 ரன்கள் எடுத்தால் வெற்றி என்ற இலக்கைத் துரத்தி வெஸ்ட் இண்டீஸ் அணி விளையாடி வருகிறது.
