இயக்குநர் அட்லி தனது ட்விட்டர் பக்கத்தில் வெளியிட்டுள்ள அறிவிப்பால், ரசிகர்கள் மகிழ்ச்சி அடைந்துள்ளனர்.
தமிழ் சினிமாவில் தொடர் வெற்றிப் படங்களை அள்ளித் தந்த இயக்குநர்களின் பட்டியலில் அட்லியும் ஒருவர். முன்னணி இயக்குநர்களுடன் போட்டி போடும் அவர், தற்போது ஷாருக்கான் நடிப்பில் உருவாகி வரும் ’ஜவான்’ திரைப்படத்தை இயக்கி வருகிறார். அப்பா, மகன் என இரட்டை வேடங்களில் ஷாருக்கான் நடித்து வரும் இத்திரைப்படம் குறித்த அப்டேட்டை இயக்குநர் அட்லி தனது ட்விட்டர் பக்கத்தில் வெளியிட்டுள்ளார்.
Happy New Year 2023 everyone!
God Willing, we will be blessed with two releases this year 🥳🤩Expecting Release one in February 👶🏻 ❤️
Release two on June 2 – #Jawan 🎥 ❤️
— atlee (@Atlee_dir) January 1, 2023
அதன்படி ஜவான் திரைப்படம் வரும் ஜூன் மாதம் 2 ஆம் தேதி வெளியாக உள்ளது என அட்லி அறிவித்துள்ளார். 4 ஆண்டுகளுக்குப் பின் ஷாருக்கான் கதாநாயகனாக நடித்திருக்கும் பதான் திரைப்படமும், ஜனவரி 25 ஆம் தேதி வெளியாகவுள்ளதால், ஷாருக்கான் ரசிகர்கள், இந்த டபுள் ட்ரீட்டை கொண்டாடி வருகின்றனர்.
மேலும் இயக்குநர் அட்லி மற்றொரு மகிழ்ச்சியான தகவலையும் அந்த ட்விட்டர் பதிவில் பகிர்ந்துள்ளார். அட்லியின் மனைவி கிருஷ்ண பிரியா நிறைமாத கர்ப்பிணியாக இருந்து வரும் நிலையில், பிப்ரவரி மாதம் தனக்கு குழந்தை பிறக்கும் என எதிர்பார்ப்பதாகவும் அட்லி தெரிவித்துள்ளார். இதனால் கூடுதல் மகிழ்ச்சி அடைந்துள்ள ரசிகர்கள் அவருக்கு வாழ்த்து தெரிவித்து வருகின்றனர். அண்மையில் கிருஷ்ண பிரியாவுக்கு நடைபெற்ற வளைகாப்பு நிகழ்ச்சியில் நடிகர் விஜய் கலந்து கொண்டது குறிப்பிடத்தக்கது.
