Deep Fake உபயோகித்து மருத்துவர்கள் போல மோசடி? உண்மை என்ன?

This news Fact Checked by ‘AajTak’

இணையம் மூலம் போலி மருந்துகளை விற்கும் தொழில் மிகவும் பழமையானது. ஆனால் மக்களை ஏமாற்ற பிரபல மருத்துவர்கள் மற்றும் செய்தி தொகுப்பாளர்களின் Deep Fake உபயோகப்படுத்தப்படுகிறது. இதுகுறித்த உண்மை சரிபார்ப்பை காணலாம்.

கடந்த அக். 2024 அன்று டெல்லியில் இருதயநோய் நிபுணரான மருத்துவர் பிமல் சாஜேத்-க்கு, திடீரென அதிகமான தொலைபேசி அழைப்புகள் வரத்தொடங்கின. ஆனால், அழைப்புகள் அவரது நோயாளிகளிடமிருந்து இல்லை, மாறாக நெருங்கிய நண்பர்கள் மற்றும் உறவினர்களிடம் இருந்து அழைப்புகள் வந்தன. அவரது உடல்நலம் மற்றும் வாழ்வைப் பற்றி கேட்க அவர்கள் மருத்துவரை அழைத்தனர்.

என்ன நடந்தது என்று மருத்துவர் சாஜேத் முதலில் ஆச்சரியப்பட்டார். ஆனால் விரைவில் அதன் பின்னணியில் உள்ள காரணம் அவருக்குத் தெரிந்தது. 

அவர் கொலை செய்யப்பட்டதாக சமூக வலைதளங்களில் பரபரப்பான செய்தி பரவிவருகிறது. “மருத்துவர் பிமல் சாஜேத் பேட்டி கொடுத்துவிட்டு திரும்பும் போது, ​​காரை வெடிக்க வைத்து படுகொலை செய்யப்பட்டார்” என்று வைரலாகி வரும் செய்தியை அவரே பார்த்தார். 

அறிக்கையின்படி, உயர் இரத்த அழுத்தத்தை குணப்படுத்தும் ஒரு மருந்தை கண்டுபிடித்ததால் மருத்துவர் சாஜேத் தனது உயிரை இழக்க நேரிட்டது. ஆனால் கதையின்படி, போதை மருந்து மாஃபியா அவரைக் கொன்றது. ஏனெனில் இந்த மருந்து பிரபலமடைந்த பிறகு அவர்களின் வணிகம் பாழாகிவிடும்.

இந்த போலிச் செய்தி வைரலானதை தொடர்ந்து, மருத்துவர் பிமல் ஒரு வீடியோ வெளியிட்டு, தான் நலமாக இருப்பதாகவும், போலிச் செய்தியை மக்கள் நம்ப வேண்டாம் என்றும் வேண்டுகோள் விடுத்தார்.  

மருத்துவர் பிமல் சாஜேத் பற்றி பொய்யான வதந்திகள் பரப்பப்பட்டது மட்டுமல்ல, அவரின் டீப்ஃபேக் வீடியோ, அவரது கொலை பற்றிய போலிச் செய்தி வெளியிடவும் பயன்படுத்தப்பட்டது. அதில் இந்த மருந்தை தயாரித்ததில் இருந்து எனக்கு தொடர்ந்து மிரட்டல்கள் வருகின்றன என்று அவர் கூறியிருக்கும்படி அமைந்துள்ளது.

இது மட்டுமின்றி, செய்தியில், தொகுப்பாளர் ரஜத் ஷர்மாவின் டீப் ஃபேக் வீடியோவும் உருவாக்கப்பட்டுள்ளது. எரியும் கார் மற்றும், சீருடை அணிந்த போலீஸ்காரர் ஒருவர் பேட்டி கொடுப்பது இவற்றை பார்த்து கொலையை விசாரிக்கின்றனர். அதாவது, ஏமாற்றுவதற்கான முழுமையான தொகுப்பு தயாரிக்கப்பட்டுள்ளது. 

இணையம் மூலம் போலி மருந்துகளை விற்கும் வணிகம் மிகவும் பழமையானது. ஆனால் மக்களை சிக்க வைக்க பிரபல மருத்துவர்கள் மற்றும் செய்தி தொகுப்பாளர்களின் டீப்ஃபேக்குகள், ஒரு சுவாரஸ்யமான ஆனால் முட்டாள்தனமான கதை.

இந்தியா டுடே ஃபேக்ட் செக் டஜன் கணக்கான மோசடியான பேஸ்புக் பதிவுகளை ஆய்வு செய்தது மற்றும் அவர்களில் பெரும்பாலானோர் தங்கள் ஒரே சூத்திரத்தைப் பயன்படுத்துவது கண்டறியப்பட்டது. மோசடிக்கான சில சூத்திரங்கள் எப்போதும் பயன்படுத்தப்படுகின்றன.

உணர்ச்சிகரமான கதை

பொதுவாக, பிரபல மருத்துவர் ஒருவர் இயற்கையான பொருட்களைப் பயன்படுத்தி சில கடினமான நோய்களைக் குணப்படுத்தும் மருந்தைக் கண்டுபிடித்ததாகக் கதை புனையப்படுகிறது. ஆனால் இப்போது போதை மருந்து மாஃபியா அதை உலகுக்கு தெரியாமல் தடுக்க நினைக்கிறது. 

எடுத்துக்காட்டாக, இந்த வைரல் வீடியோவின் படி, பிரபல இருதயநோய் நிபுணர் மருத்துவர் தேவி ஷெட்டி, ‘நச்சு நுண்ணுயிர் எதிர்ப்பிகள்’ பயன்படுத்தாமல் அனைத்து இதய நோய்களையும் குணப்படுத்தும் மருந்தைப் பற்றிப் பேசியதற்காக, ஒரு மருந்து நிறுவனத்தின் பிரதிநிதி, ஒரு நேரடி தொலைக்காட்சி நிகழ்ச்சியின் போது அவரைத் தாக்கினார். டிவி ஸ்டுடியோவிலும் இருவருக்கும் இடையே சண்டை நடக்கிறது.  

AI ஐப் பயன்படுத்தி உருவாக்கப்பட்ட மருத்துவர் தேவி ஷெட்டியின் டீப்ஃபேக் பயன்படுத்தப்பட்டது என்று சொல்லத் தேவையில்லை. டீப்ஃபேக்கை உருவாக்க டாக்டர் ஷெட்டியின் பழைய நேர்காணல் திருடப்பட்டது. ஸ்டுடியோவில் நடந்த சண்டையின் கிளிப்  2017 இன் டிவி விவாதத்திலிருந்து எடுக்கப்பட்டது.

விசித்திரமான ஆராய்ச்சி கூற்று

ஒரு தோற்றத்தை உருவாக்க, ஒரு புகழ்பெற்ற பல்கலைக்கழகம் அல்லது மருத்துவ நிறுவனத்தின் பெயர் எடுக்கப்பட்டு, ஒருபோதும் செய்யப்படாத ஒரு ஆராய்ச்சி மேற்கோள் காட்டப்படுகிறது. இந்த ஆராய்ச்சி எப்போது செய்யப்பட்டது, அதைப் பற்றி என்ன வெளியிடப்பட்டது என்று ஒருபோதும் சொல்லப்படாததால், எதையும் கண்டுபிடிக்க முடியாது. எடுத்துக்காட்டாக, இந்த வீடியோவில், மருத்துவர் தேவி ஷெட்டியின் டீப்ஃபேக், அவரது குழு, ஆக்ஸ்போர்டு விஞ்ஞானிகளுடன் இணைந்து, நீரிழிவு நோய்க்கு ஒரு நிச்சயமான சிகிச்சையை கண்டுபிடித்ததாக கூறுகிறார். அத்தகைய வீடியோக்களில், நுண்ணுயிர் எதிர்ப்பிகள் அடிக்கடி விமர்சிக்கப்படுகின்றன மற்றும் சில நேரங்களில் மிகவும் அபத்தமான, வீட்டு வைத்தியம் பரிந்துரைக்கப்படுகிறது. உதாரணமாக, நீரிழிவு, உடல் பருமன் மற்றும் உயர் இரத்த அழுத்தம் போன்ற நோய்களை வீட்டில் கிடைக்கும் சோடா, உப்பு-தண்ணீர் மற்றும்  அரிசி போன்றவற்றின் மூலம் எளிதில் குணப்படுத்தலாம்.

குணமா அல்லது அதிசயமா?  

இந்த வீடியோக்கள் பேசும் சிகிச்சை ஒரு அதிசயம் போல் தெரிகிறது. எடுத்துக்காட்டாக, ஆஜ் தக் தொகுப்பாளர் அஞ்சனா ஓம் காஷ்யப்பின் செய்தித் தொகுப்பில் இருந்து மாற்றப்பட்ட இந்த வீடியோ, வெறும் 17 மணி நேரத்தில் சர்க்கரை நோயை குணப்படுத்தும் மருந்தைக் குறிப்பிடுகிறது.

அதே நேரத்தில், மற்றொரு வீடியோவின் படி, மேதாந்தா மருத்துவமனையின் CMD டாக்டர் நரேஷ் ட்ரெஹான், 6 மணி நேரத்தில் உயர் இரத்த அழுத்தத்தை குணப்படுத்தும் மருந்தை உருவாக்கியுள்ளார். 

இந்த வகை மோசடியில், கலிபோர்னியா பல்கலைக்கழகத்தைச் சேர்ந்த மருத்துவர் நரேஷ் ட்ரெஹான், மருத்துவர் தேவி ஷெட்டி மற்றும் மருத்துவர் தீபக் சோப்ரா ஆகியோரின் வீடியோக்கள் அதிகம் பயன்படுத்தப்படுகின்றன.

போலியான வீடியோக்கள் உண்மையானதாகத் தோன்றும் வகையில், பிரபல செய்தி தொகுப்பாளர்களான அஞ்சனா ஓம் காஷ்யப், ஸ்வேதா திரிபாதி, சுதிர் சவுத்ரி மற்றும் ரஜத் ஷர்மா ஆகியோரின் டீப்ஃபேக்குகள் அதிக அளவில் தயாரிக்கப்படுகின்றன. மேலும், சில சமயங்களில் அமிதாப் பச்சன், சத்குரு வாசுதேவ் ஜக்கி, உத்தரபிரதேச முதலமைச்சர் யோகி ஆதித்யநாத் போன்ற பிரபலங்களின் டீப்ஃபேக்குகளும் அச்சமின்றி உருவாக்கப்படுகின்றன.

வரையறுக்கப்பட்ட நேர சலுகைகள்

அந்த வீடியோவில் அதிசய மருந்தை பெற அவசரம் காட்டுவதாகவும் ஆனால் மிகக் குறைவான மருந்துகளே மிச்சம் இருப்பதாகவும் கூறப்படுகிறது. ஆனால் மருந்து வாங்க கொடுக்கப்பட்டுள்ள லிங்கை நீங்கள் திறக்கும் போது, ​​உங்கள் பெயர், முகவரி, தொலைபேசி எண் மற்றும் பிற தனிப்பட்ட தகவல்கள் அனைத்தும் உங்களிடம் கேட்கப்படும்  போலி இணையதளத்தை அடைகிறீர்கள். இந்த தரவு அனைத்தும் சந்தையில் விற்கப்படுகிறது என்று யூகிக்க கடினமாக இல்லை.

செய்தி வடிவில் இலக்கு விளம்பரங்கள்

பெரும்பாலான சந்தர்ப்பங்களில், இதுபோன்ற பேஸ்புக் பதிவுகள் உண்மையில் ஒரு வகையான விளம்பரம். ஆனால் இந்த விளம்பரங்கள் அனைவருக்கும் தெரிவதில்லை என்பதுதான் சிறப்பு. விளம்பரங்களை கண்காணிக்கும் ‘செக் மை அட்ஸ்’ என்ற அமெரிக்க அமைப்பின் உளவுத்துறை இயக்குனர் ஏரியல் கார்சியா, ஆஜ் தக்கிடம் கூறுகையில், இதுபோன்ற விளம்பரங்களில் பெரும்பாலானவை ‘இலக்கு விளம்பரங்கள்’, அதாவது தேர்ந்தெடுக்கப்பட்ட நபர்களுக்கு தெரியும், எனவே இது எளிதானது அல்ல.

உடல்நலம் தொடர்பான விளம்பரங்களில் அடிக்கடி விதி மீறல்கள் நடப்பதாக இந்திய விளம்பரத் தரக் கவுன்சில் (ASCI) ஒரு கணக்கெடுப்பில் கண்டறிந்துள்ளது.

சைபர் செக்யூரிட்டி நிபுணர் அனுராக் சிங் கூறுகையில், இதுபோன்ற டீப்ஃபேக்குகளில் குரல் பெரும்பாலும் உதடுகளின் அசைவுடன் ஒத்துப் போவதில்லை. மனிதர்களின் முகபாவங்கள் மற்றும் அவர்களின் குரல்கள் ரோபோவாகத் தெரிகின்றன, கவனமாகப் பார்ப்பதன் மூலம் மட்டுமே அடையாளம் காண முடியும்.

பை லேப்ஸ் என்ற அமைப்பின் சமீபத்திய அறிக்கையின்படி, இந்தியாவில் கடந்த ஐந்தாண்டுகளில் டீப்ஃபேக் வழக்குகள் 550% அதிகரித்துள்ளதாகவும், இதன் காரணமாக 2025க்குள் சுமார் ரூ.70 ஆயிரம் கோடி இழப்பு ஏற்பட வாய்ப்புள்ளதாகவும் தெரிவிக்கப்பட்டுள்ளது.

Note : This story was originally published by ‘AajTak’ and translated by ‘News7 Tamil’ as part of the Shakti Collective.