நடிகர் விஜய் தமிழக வெற்றிக் கழகம் என்ற அரசியல் கட்சியை நடத்தி வருகிறார். இக்கட்சி 2026 சட்டமன்றத் தேர்தலில் போட்டியிட உள்ளது.
இதனையொட்டி இந்திய தேர்தல் ஆணையமானது சமீபத்தில் விசில் சின்னத்தை தவெகவிற்கு ஒதுக்கியது.
இதற்கிடையில் நேற்று முன் தினம் மாமல்லபுரத்தில் தவெக செயல் வீரர்கள் கூட்டம் நடைபெற்றது.
இந்த சூழலில் தவெக பொதுச்செயளாலர் ஆனந்த் வெளியிட்டுள்ள அறிவிப்பில்,
”நாளை (28.01.2026, புதன்கிழமை) மாலை 4 மணி அளவில் சென்னை ராயப்பேட்டை ஒய்.எம்.சி.ஏ. சந்திரா கன்வென்ஷன் சென்டரில், தமிழக வெற்றிக் கழகத்தின் தேர்தல் பிரசாரக் குழு உறுப்பினர்கள் மற்றும் சென்னை மாவட்டக் கழகச் செயலாளர்கள் கலந்துகொள்ளும் ஒருங்கிணைந்த சென்னை மாவட்டச் செயல் வீரர்கள் ஆலோசனைக் கூட்டம் நடைபெற உள்ளது.
இந்தக் கூட்டத்தில், சட்டமன்றத் தேர்தல் பணிகள் குறித்து ஆலோசிக்கப்பட உள்ளது. எனவே அழைக்கப்பட்டுள்ள ஒருங்கிணைந்த சென்னை மாவட்டத்திற்கு உட்பட்ட கழகச் செயல்வீரர்கள் மட்டும் கலந்துகொள்ள வேண்டும் என்று கேட்டுக்கொள்கிறோம்” என்று தெரிவிக்கபட்டுள்ளது.
