முக்கியச் செய்திகள் செய்திகள் விளையாட்டு

இந்தியா – தென்னாப்பிரிக்கா இடையே இன்று 2-வது ஒரு நாள் கிரிக்கெட் போட்டி

தென்னாப்பிரிக்காவுடன் முதல் ஒருநாள் போட்டியில் தோல்வியை தழுவிய இந்திய அணி இன்று நடைபெறும் 2-வது ஒருநாள் போட்டியில் பதிலடி கொடுக்குமா? என ரசிகர்கள் எதிர்ப்பார்ப்பில் உள்ளனர்.

 

இந்தியா வந்துள்ள தென்னாப்பிரிக்கா அணி 3 போட்டிகள் கொண்ட ஒருநாள் தொடரில் பங்கேற்றுள்ளது. இதில் லக்னோவில் நடந்த முதலாவது ஒருநாள் போட்டியில் அந்த அணி 9 ரன் வித்தியாசத்தில் வெற்றி பெற்று தொடரில் 1-0 என்ற கணக்கில் முன்னிலை வகிக்கிறது.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

 

இந்த நிலையில் இரு அணிகளுக்கு இடையிலான 2-வது ஒருநாள் கிரிக்கெட் போட்டி ஜார்கண்ட் மாநில தலைநகர் ராஞ்சியில் இன்று (ஞாயிற்றுக்கிழமை) நடைபெறுகிறது. பிற்பகல் 1.30 மணிக்கு தொடங்கும் இந்த போட்டியில் இந்திய அணி சரிவை சந்தித்தால் தொடரை இழந்து விடும். இதனால் நெருக்கடிக்கு மத்தியில் களம் இறங்கும் இந்திய அணி பதிலடி கொடுக்குமா? என ரசிகர்கள் எதிர்ப்பார்ப்பில் உள்ளனர்.


கடந்த முறை சரியான வியூகத்துடன் வீரர்கள் களமிறக்கப்படவில்லை என கிரிக்கெட் விமர்சகர்கள் தெரிவித்த நிலையில், இந்த முறை இந்திய அணி தென்னாப்பிரிக்காவுக்கு எதிராக புதிய வியூகத்துடன் களம் இறங்க வாய்ப்பு உள்ளது. தீபக் சாஹர் காயம் காரணமாக விலகியுள்ளதால் அவருக்கு பதில் தமிழகத்தை சேர்ந்த வாஷிங்டன் சுந்தர் களமிறக்கப்படுகிறார். மேலும், தொடரை கைப்பற்றும் நோக்கத்தில் தென்னாப்பிரிக்கா அணியும் களம் இறங்குவதால் போட்டி பரபரப்பாக இருக்கும் என ரசிகர்கள் தெரிவித்துள்ளனர்.

 

-இரா.நம்பிராஜன்

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

சென்னை கிறிஸ்தவ கல்லூரியில் மேலும் 30 பேருக்கு கொரோனோ தொற்று உறுதி

Arivazhagan Chinnasamy

தொடர்ந்து அதிகரிக்கும் பணவீக்கம்: கடும் சரிவை சந்தித்த தொழில் துறை உற்பத்தி குறியீடு

Web Editor

’மக்களின் தீர்ப்பை ஏற்றுக் கொள்கிறோம்’: கமல்ஹாசன் ட்வீட்!

Halley Karthik