முக்கியச் செய்திகள் தமிழகம்

சென்னை உள்ளிட்ட 27 மாவட்டங்களில் தளர்வுகள் என்ன? எதற்கெல்லாம் அனுமதி?

கொரோனா தொற்று குறையாத 11 மாவட்டங்களைத் தவிர்த்து, மற்ற மாவட்டங்களில் அளிக்கப்பட்டுள்ள தளர்வுகள் குறித்து விவரங்கள் இதோ…

தமிழ்நாட்டில் வரும் 7ம் தேதி முதல் வரும் 14-ம் தேதிவரை சில தளர்வுகளுடன் கூடிய ஊரடங்கு நீட்டிக்கப்படுவதாக முதலமைச்சர் மு.க.ஸ்டாலின் அறிவித்துள்ளார். நோய்த் தொற்று அதிமுள்ள 11 மாவட்டங்களைத் தவிர்த்து, கொரோனா தொற்று குறைந்த மாவட்டங்களில் கூடுதல் தளர்வுகள் அளிக்கப்பட்டுள்ளன.

எதற்கெல்லாம் அனுமதி

  • மளிகை, பலசரக்கு, காய்கறி, இறைச்சி & மீன் கடைகள் காலை 6 மணி முதல் மாலை 5 மணி வரை செயல்படும்.
  • காய்கறி, பழம், பூ விற்பனை செய்யும் நடைபாதைக் கடைகள் காலை 6 மணி முதல் மாலை 5 மணி வரை இயங்கும்.
  • நடமாடும் வாகனங்கள் மூலம் காய்கறி, பழங்கள் விற்பனை தொடரும்.
  • மீன் சந்தைகள் & இறைச்சிக் கூடங்களில் மொத்த விற்பனைக்கு, காலை 6 மணி முதல் மாலை 5 மணி வரை அனுமதி. மீன் சந்தைகளில் சமூக இடைவெளி கடைப்பிடிக்கும் வகையில் திறந்தவெளியில் சந்தைகள் அமைக்க மாவட்ட நிர்வாகம் நடவடிக்கை எடுக்கவேண்டும்.
  • அனைத்து அரசு அலுவலகங்களும் 30% பணியாளர்களுடன் செயல்பட அனுமதி.
  • சார்பதிவாளர் அலுவலகங்களில் நாளொன்றுக்கு 50% டோக்கன்களுக்கு மட்டுமே பத்திரப்பதிவு செய்ய அனுமதி
  • தீப்பெட்டி தொழிற்சாலைகள் 50% பணியாளர்களுடன் செயல்படலாம்.
  • அலுவலகம் மற்றும் குடியிருப்புகளில் வீடு பராமரிப்பு உள்ளிட்ட பணிகள், இ- பதிவுடன் அனுமதிக்கப்படும்.
  • மின் பணியாளர், பிளம்பர், கணினி மற்றும் இயந்திர பழுது நீக்குபவர், தச்சர் போன்ற சுயதொழிலுக்கு இ-பதிவுடன் அனுமதி.
  • பல்புகள் உள்ளிட்ட மின் பொருட்கள் விற்பனை கடைகள் காலை 6 மணி முதல் மாலை 5 மணி வரை செயல்படலாம்.
  • ஹார்டுவேர் கடைகள் காலை 6 மணி முதல் மாலை 5 மணி வரை செயல்பட அனுமதி.
  • மிதிவண்டி & இருசக்கர வாகன பழுது நீக்கும் கடைகள் காலை 6 மணி முதல் மாலை 5 மணி வரை இயங்கும்.
  • வாகன உதிரிப்பாக விற்பனை கடைகளோடு, வாகன விற்பனை நிலையங்களில் பழுதுபார்க்கும் மையங்கள் மட்டும் செயல்பட அனுமதி.
  • டாக்ஸி, ஆட்டோ உள்ளிட்ட வாடகை வாகனங்கள் இ-பதிவுடன் செயல்படலாம். வாடகை டாக்ஸிகளில் ஓட்டுநர் தவிர 3 பேரும், ஆட்டோக்களில் ஓட்டுநர் தவிர 2 பேரும் செல்லலாம்.
  • புத்தகம் & எழுதுபொருட்கள் விற்பனை கடைகளுக்கு அனுமதி. தனியார் பாதுகாப்பு சேவைகள் இ-பதிவுடன் இயங்கலாம்.
  • நீலகிரி, கொடைக்கானல், ஏற்காடு, ஏலகிரி, குற்றாலம் ஆகிய பகுதிகளுக்கு அவசர காரணங்களுக்காக இ- பதிவு பெற்று பயணிக்கலாம்.
  • கோவை, திருப்பூர், சேலம், கரூர், ஈரோடு, நாமக்கல், திருச்சி, மதுரை ஆகிய 8 மாவட்டங்களில் ஏற்றுமதி நிறுவனங்கள் 10 % பணியாளர்களுடன் இயங்கலாம்.

எதற்கெல்லாம் அனுமதி இல்லை?

  • டாஸ்மாக், தேநீர், சலூன் மற்றும் அழகு நிலையங்களுக்கு அனுமதி இல்லை.
  • 14-ம் தேதிவரை பேருந்து போக்குவரத்துக்குத் தடை நீட்டிப்பு.
  • மெட்ரோ ரயில்களுக்கு அனுமதி மறுப்பு.
Advertisement:

Related posts

அதிமுக அரசு சொல்லி செய்யாததை, திமுக அரசு அமைந்தவுடன் செய்வோம்! – மு.க.ஸ்டாலின்

Nandhakumar

மகாராஷ்டிராவில் கொரோனா பரவலை கட்டுப்படுத்த புதிய கட்டுப்பாடுகள் அமல்!

Gayathri Venkatesan

மதுரையில் கொரோனா சிகிச்சை மையம் திறப்பு: முதல்வர்!