இந்த பணிவின் காரணத்திற்காக தான் நீங்கள் தளபதி. விரைவில் சுவையான விருந்துக்கு சந்திப்போம். மிக்க நன்றி நண்பா! விரைவில் சந்திப்போம் என நடிகர் ஷாருக் கான் தனது டிவிட்டர் பக்கத்தில் நடிகர் விஜய்யை புகழ்ந்துள்ளார்.
இயக்குநர் சித்தார்த் ஆனந்த் இயக்கத்தில் ஷாருக்கான், தீபிகா படுகோன் ஆகியோர் நடித்துள்ள படம் `பதான்’. இந்த படத்தை பிரபல இந்தி பட தயாரிப்பு நிறுவனமான யாஷ் ராஜ் பிலிம்ஸ் தனது 50வது படமாக தயாரித்து வருகிறது. இந்த படத்தில் ஜான் ஆப்ரஹாம், டிம்பிள் கபாடியா உள்ளிட்ட நட்சத்திரங்களும் நடித்துள்ளனர்.
பாலிவுட் நடிகர் ஷாருக்கான் நடித்துள்ள ‘பதான்’ படத்தின் டிரைலரை இன்று நடிகர் விஜய் தனது ட்விட்டர் பக்கத்தில் வெளியிட்டுள்ளார். இந்த டிரைலர் வெளியான 19 நிமிடத்தில் 10 லட்சம் பார்வைகளை கடந்துள்ளது. அந்த ட்விட்டில் நடிகர் விஜய், ஷாருக்கானுக்கு வாழ்த்துகளையும் தெரிவித்துள்ளார்.
இதற்கு நன்றி தெரிவித்து நடிகர் ஷாருக் கான் தனது டிவிட்டர் பக்கத்தில் நடிகர் விஜய்யை புகழ்ந்து எழுதியுள்ளார். அவர் குறிப்பிட்டுள்ளதாவது..
”நன்றி நண்பரே இந்த பணிவின் காரணத்திற்காக தான் நீங்கள் தளபதி. விரைவில் சுவையான விருந்துக்கு சந்திப்போம். மிக்க நன்றி நண்பா! விரைவில் சந்திப்போம்.” என ஷாருக் கான் கூறியுள்ளார்.
ஹாப்பி நியூ இயர், சென்னை எக்ஸ்பிரஸ், ஓம் சாந்தி ஓம் ஆகிய படங்களுக்குப் பிறகு ஷாருக்கானும் தீபிகா படுகோனும் இணைந்து நடிக்கும் நான்காவது படமாக ‘பதான்’ வரும் ஜனவரி 25-ம் தேதி இந்தி, தமிழ், தெலுங்கு உள்ளிட்ட மொழிகளில் திரைக்கு வர இருக்கிறது.
