‘இது நம்பிக்கையில்லா வாக்கெடுப்பு அல்ல, எதிர்க்கட்சியான இந்தியாவின் நம்பிக்கை வாக்கெடுப்பு’ என மக்களவையில் பேசிய திரிணாமுல் காங்கிரஸ் எம்பி மஹுவா மொய்த்ரா பேசினார்.
நம்பிக்கையில்லாத் தீர்மானம் மீதான விவாதத்திற்கு இடையே, மக்களவையில் இன்று அமளி நிலவியது. அப்போது பேசிய திரிணாமுல் காங்கிரஸ் எம்பி மஹுவா மொய்த்ரா விவாதத்தில் மத்திய அரசை கடுமையாகச் சாடினார்.
அப்போது பேசிய அவர், இது அரசாங்கத்திற்கு எதிரான நம்பிக்கையில்லா பிரேரணை அல்ல. எதிர்க்கட்சியான இந்தியாவுக்கு இது நம்பிக்கைத் தீர்மானம். குடியரசில் கேள்விகளைக் கேட்க நாங்கள் இங்கு வந்துள்ளோம் என்று மொய்த்ரா கூறினார்.
மணிப்பூரில் இந்த மௌன நெறியை உடைக்கவே இந்த முன்மொழிவு. பிரதமர் மோடி எங்கள் பேச்சைக் கேட்க மாட்டார், கடைசி நாளில் வந்து உரை நிகழ்த்துவார். யாருக்காகவும் நாங்கள் காத்திருக்கவில்லை. நமது பிரதமர் நாடாளுமன்றத்திற்கு வர மறுத்தார் மேலும் மணிப்பூர் செல்லவும் மறுத்தார்.மணிப்பூர் மாநிலத்தின் ஐந்து காவல் நிலையங்களிலிருந்து 5 ஆயிரம் துப்பாக்கிகளும், ஆறு லட்சம் தோட்டாக்களும் கொள்ளையடிக்கப்பட்டன. மலைவாழ் மக்கள் பள்ளத்தாக்குக்குச் செல்ல முடியாது, பள்ளத்தாக்கு மக்கள் மலைக்கு செல்ல முடியாது. இதெல்லாம் மணிப்பூரில் நடந்துள்ளது. இது இரட்டை இயந்திர அரசாங்கத்தின் மிகப்பெரிய தோல்வி.
காய்கறிகள் இந்துவாகவும், ஆடு முஸ்லிமாகவும் மாறிவிட்டது. அப்படி ஒரு சூழல் உருவாக்கப்பட்டுள்ளது. ஒரு சமூகம் மற்றொரு சமூகத்திற்கு எதிராகக் குற்றம் செய்தும், பாதிக்கப்பட்டவர்களுக்கு நீதி கூட கிடைக்கவில்லை என மஹுவா மொய்த்ரா கடுமையாகச் சாடினார்.
