நடிகர் ஷாருக்கானின் ’ஜவான்’ திரைப்படம் உலகளவில் ரூ.1043.21 கோடி வசூலித்துள்ளதாக படக்குழு அறிவித்துள்ளது.
ஷாருக்கானின் ‘ஜவான்’ படத்தின் மூலம் பாலிவுட்டில் இயக்குநராக அட்லி அறிமுகமாகியுள்ளார். இந்தப் படத்தில் ஷாருக்கான் இரண்டு வேடங்களில் நடித்துள்ளார். ஹீரோயினாக நயன்தாரா நடித்துள்ளார். விஜய் சேதுபதி, யோகி பாபு உள்ளிட்டோரும் நடித்திருக்கும் இப்படத்திற்கு அனிருத் இசையமைத்துள்ளார். தமிழ், தெலுங்கு, மலையாளம், கன்னடம், ஹிந்தி ஆகிய மொழிகளில் கடந்த செப்டம்பர் 7-ம் தேதி வெளியானது.
இதுவரை இல்லாத அளவில் படத்துக்கு மிகப்பெரிய ஓபனிங் கிடைத்திருப்பதாகவும், படமும் சிறப்பாக இருப்பதாகவும் பாலிவுட் ஊடகங்கள் தெரிவித்துள்ளன. முதல் நாளில் இந்தி சினிமா வரலாற்றில் இதுவரை இல்லாத அளவில் உலகம் முழுவதும் ரூ.129 கோடி வசூலித்துள்ளதாகவும், இரண்டு நாட்களில் ரூ.240.47 கோடி ரூபாய் வசூல் செய்ததாக படக்குழு அதிகாரப்பூர்வமாக அறிவித்திருந்தது.
இதையும் படியுங்கள் : ”AI தொழில்நுட்பத்தால் லட்சக்கணக்கானோர் வேலை இழக்கும் அபாயம்!” – உருகுவேயில் திமுக எம்பி வில்சன் உரை
உலகம் முழுவதும் 5 நாட்களில் ரூ.574.89 கோடி வசூலித்துள்ளதாக அறிவிப்பு வெளியானது. மேலும், ஷாருக்கான் ஒரு வருடத்தில் தொடர்ந்து இரண்டு ரூ.500 கோடி வசூல் செய்த ஒரே நடிகர் என்ற பெருமையையும் தட்டிச் சென்றுள்ளார். ஏனெனில் ஷாருக்கான் கடைசியாக நடித்த ’பதான்’ திரைப்படமும் வசூலில் சாதனை புரிந்திருந்தது. கடந்த சில நாட்களுக்கு முன் ரூ.1,000 கோடி வசூலை ’ஜவான்’ படம் கடந்ததாக படக்குழு அறிவித்திருந்த நிலையில், இன்று உலகளவில் ரூ.1043.21 கோடி வசூலித்துள்ளதாக படக்குழு அதிகாரப்பூர்வ அறிவிப்பை வெளியிட்டுள்ளது.
