மக்களவை எதிர்கட்சி தலைவர் ராகுல் காந்தி எக்ஸ் பதிவு ஒன்றை வெளியிட்டுள்ளார். அதில் கூறப்பட்டுள்ளதாவது;
மோடி – அமித் ஷா கூட்டணி, மற்றொரு நிறுவனத்தையும் முறைகேடுகளின் அடையாளமாக மாற்றியுள்ளது.
பல தசாப்தங்களில் முதன்முறையாக, CBSE வாரியத் தேர்வுகள் குறித்து தீவிரமான கேள்விகள் எழுந்துள்ளன. 18.5 லட்சம் மாணவர்கள் இத்தேர்வை எழுதினர். ஆனால் கடந்த ஒரு வாரமாக, மதிப்பெண் வழங்கலில் ஏற்பட்ட பிழைகள் (OSM), தவறான மதிப்பிடுதல் மற்றும் மதிப்பீட்டுச் சிக்கல்கள் குறித்த புகார்கள் செவிசாய்க்கப்படாமலே உள்ளன. இதற்கிடையில், கல்வி அமைச்சர் தனது பதவியை இறுகப் பற்றிக்கொண்டு அமர்ந்திருக்கிறார்.
தனது விடைத்தாள் தவறாக மதிப்பிடப்பட்டதால் பாதிக்கப்பட்ட 17 வயது சிறுவன் ஒருவன், நீதி கிடைக்கும் என்ற நம்பிக்கையில் சமூக ஊடகங்களை நாடினான். ஆனால் அவனுக்கு உதவி கிடைப்பதற்குப் பதிலாக, அவதூறுகளே கிடைத்தன. பாஜகவின் தகவல் தொழில்நுட்பப் பிரிவு (IT Cell) அவனை “தேச விரோதி” என்று முத்திரை குத்தியது; “சோரோஸின் முகவர்” என்றும், “நிழல் அரசின்” (Deep State) ஒரு அங்கம் என்றும் வசைபாடியது.
தனது எதிர்காலத்திற்காக ஒரு 17 வயது சிறுவன் குரல் எழுப்புகிறான்; ஆனால் பாஜகவோ அவனை ஒரு துரோகியாகச் சித்தரிக்கிறது.
உண்மை என்னவென்றால், மோடி அரசாங்கம் இளைஞர்களுக்கும், ‘Gen Z’ தலைமுறையினருக்கும் அஞ்சுகிறது. ஏனெனில் அவர்கள் இப்போது கேள்விகள் கேட்கத் தொடங்கியுள்ளனர். கேள்விகள் கேட்கும் எவரையும் இந்த அரசாங்கம் அவதூறு செய்கிறது, மிரட்டுகிறது, நசுக்குகிறது.
ஆனால் ஒன்றைக் கேட்டுக்கொள்ளுங்கள், திரு. மோடி அவர்களே இதே இளைஞர்கள், இதே ‘Gen Z’ தலைமுறையினர் தான் உங்கள் ஆணவத்தை நொறுக்கித் தள்ளப்போகிறார்கள்.
இவ்வாறு அதில் தெரிவிக்கப்பட்டுள்ளது.
