சாலையோரம் கிடந்த தங்கச் சங்கிலியை காவல் நிலையத்தில் ஒப்படைத்த தம்பதிக்கு பாராட்டு குவிந்து வருகிறது.
தென்காசி மாவட்டம் ஆய்க்குடி பகுதியைச் சேர்ந்தவர் குமார். இவர் அப்பகுதியில் கொத்தனார் வேலை செய்து வருகிறார். இந்த நிலையில் பிப்.15-ம் தேதி இரவு 9 மணி அளவில் குமார் மற்றும் அவரது மனைவி கற்பகவல்லி ஆய்க்குடி, மாயாண்டி கோயில் அருகே உள்ள கடைக்குச் சென்று வீடு திரும்புயுள்ளனர்.
இதனைத் தொடர்ந்து, அவர்கள் செல்லும் வழியில் சுமார் ரூ.2,50,000 மதிப்பிலான 5 சவரன் தங்க சங்கிலி சாலையோரம் கிடந்துள்ளது. அவர்கள் இருவரும், அந்த சங்கிலியை எடுத்து உரிய முறையில் ஆய்க்குடி காவல் நிலையத்தில் ஒப்படைத்தனர்.
இதையும் படியுங்கள்: இப்படிதான் சாக்லேட் குச்சி ஐஸ் செய்றாங்களா? – இணையத்தில் வீடியோ வைரல்!
குமார் மற்றும் கற்பகவல்லி தம்பதியினரின் இச்செயலை பாராட்டி, தென்காசி மாவட்ட காவல்துறையின் சார்பாக ஆய்க்குடி காவல் நிலைய காவல் ஆய்வாளர் ஹரிஹரன் அவருக்கு பொன்னாடை அணிவித்து கௌரவித்தார்.
