டெல்லி பயணம் மேற்கொண்டுள்ள தமிழ்நாடு முதலமைச்சர் மு.க.ஸ்டாலின், டெல்லி முதலமைச்சர் அரவிந்த் கெஜ்ரிவாலை நேரில் சந்தித்துப் பேசினார்.
நான்கு நாள் சுற்றுப்பயணமாக டெல்லி சென்றுள்ள மு.க.ஸ்டாலின், டெல்லி வினோத் நகரில் உள்ள ராஜ்கியா சர்வோதயா பால வித்யாலயா அரசுப் பள்ளியில் டெல்லி முதலமைச்சர் அரவிந்த் கெஜ்ரிவாலை சந்தித்தார். அப்போது, அரவிந்த் கெஜ்ரிவாலுக்கு புத்தகங்களை பரிசளித்த முதலமைச்சர் மு.க.ஸ்டாலின், டெல்லி அரசுப் பள்ளிகளில் உள்ள வசதிகள் தொடர்பான காணொளியை கெஜ்ரிவாலுடன் இணைந்துப் பார்த்தார்.
அதனைத்தொடர்ந்து, பள்ளி வகுப்பறைகளை பார்வையிட்ட மு.க.ஸ்டாலினிடம், மாணவர்கள் பல்வேறு செயல்திட்டங்களை விளக்கினர். மேலும், டெல்லியில் உள்ள அரசுப்பள்ளிகளின் கல்வித்தரம் குறித்தும், பள்ளிகளில் அரசு சார்பில் செயல்படுத்தப்படும் திட்டங்கள் குறித்தும் அரவிந்த் கெஜ்ரிவாலிடம் கேட்டறிந்தார். இந்த சந்திப்பின்போது, டெல்லி துணை முதலமைச்சர் மணீஷ் சிசோடியாவும் உடனிருந்தார்.
சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
