நடிகர் விஜய் நடிப்பில் உருவாக இருக்கும் தளபதி 65 திரைப்படத்தின் படப்பிடிப்பு பூஜை நடைபெற்றது ரசிகர்கள் மத்தியில் உற்சாகத்தை ஏற்படுத்தியுள்ளது.
ரசிகர்களால் பெரிதும் எதிர்பார்க்கப்பட்ட தளபதி 65 படத்தின் படப்பிடிப்பு பூஜையுடன் தொடங்கியது. மேலும் இந்த படத்தின் படப்பிடிப்பு மே மாதத்தில் தொடங்க இருப்பதாக படக்குழுவினர் தெரிவித்துள்ளனர். விஜய், நெல்சன் சேர்ந்து உருவாக்கவிருக்கும் இந்த படத்தை சன் பிக்சர்ஸ் தயாரிக்கிறது. இந்த படத்திற்கு அனிருத் இசையமைக்கிறார். மேலும், இந்த படத்தின் கதாநாயகியாக பூஜா ஹெக்டே நடிக்கவுள்ளார்.
தளபதி 65 படத்தின் பூஜை சன் ஸ்டுடியோவில் இன்று நடைபெற்றது. இதில் நடிகர் விஜய், இயக்குநர் நெல்சன் உள்ளிட்ட பலர் கலந்து கொண்டனர். அப்படத்தின் கதாநாயகி பூஜா ஹெக்டே வேறு படப்பிடிப்பில் இருந்ததால் பூஜையில் கலந்து கொள்ள முடியவில்லை என்று தனது ட்விட்டர் பக்கத்தில் பதிவிட்டிருந்தார். மேலும் இந்த படத்தின் படப்பிடிப்பு பூஜையில் எடுக்கப்பட்ட புகைப்படங்கள் சமூக வலைத்தளங்களில் வெளியாகியுள்ளது.
