இந்திய ஆண்கள் கிரிக்கெட் அணி ஜப்பானுக்கு சுற்றுப்பயணம் மேற்கொண்டு அந்நாட்டு அணியுடன் ஒரே ஒரு சர்வதேச டி20 போட்டியில் விளையாட உள்ளது. இந்த நிலையில் இந்திய கிரிக்கெட் அணி ஜப்பான் அணியுடன் மோதுவது வரலாற்றில் இதுவே முதல் முறை ஆகும். இரு நாடுகள் உறவை வலுப்படுத்தும் வகையிலும், ஜப்பானிலும் கிரிக்கெட்டை ஊக்கப்படுத்தும் வகையிலும் இந்திய அணி ஒரே ஒரு டி20 போட்டியில் பங்கேற்று விளையாட உள்ளது. இந்த போட்டிக்காக இந்திய அணி ஜப்பான் சென்றுள்ளது.
ஜப்பானின் டொஷிகி மாகாணத்தில் உள்ள சானோ சர்வதேச கிரிக்கெட் மைதானத்தில் இந்த போட்டி நடைபெற உள்ளது. இந்திய நேரப்படி காலை 9.30 மணிக்கு இப்போட்டி தொடங்குகிறது. இந்தியா, ஜப்பான் இடையேயான தூதரக உறவு ஏற்பட்டு 75 ஆண்டுகள் ஆகும் நிலையில் அதை கொண்டாடும் வகையில் இருநாடுகளுக்கும் இடையே இந்த டி20 போட்டி நடைபெற உள்ளது. இன்று நடைபெறும் இந்த ஒரே ஒரு டி20 போட்டிக்கான டிக்கெட்டுகள் அனைத்தும் விற்று தீர்ந்து விட்டன என்பது குறிப்பிடத்தக்கது.
கேப்டன் ஸ்ரேயாஸ் ஐயர் தலைமையிலான இந்திய அணியில் சூர்யவன்ஷி, அபிஷேக் சர்மா, திலக் வர்மா, ஷிவம் துபே, இஷான் கிஷன், ரவி பிஷ்னோய், பும்ரா, வாஷிங்டன் சுந்தர் ஆகியோர் இடம்பிடித்துள்ளனர்.
ஜப்பான் அணி கேப்டன் கென்டல் ஃப்ளெமிங் தலைமையில் களமிறங்குகிறது. மேலும், ஷிரை பாட்மோர், அலெஸ்டர் ஃப்ளெமிங், பெஞ்சமின் டேவிஸ், சாகுரானோ தாமஸ், குபோடா, மியூச்சி, சுசுகி, இப்ராஹிம், தானியமா, லச்லான், தகாடா ஆகியோர் களமிறங்குகின்றனர்.
