ஆப்பிள் நிறுவனத்தின் இணை நிறுவனரான மறைந்த ஸ்டீவ் ஜாப்ஸ், வேலை கோரி அனுப்பிய விண்ணப்பபம் இந்திய மதிப்பில் இரண்டரை கோடி ரூபாய்க்கு ஏலம் போயுள்ளது.
1970-80களில் PC எனப்படும் personal computers புரட்சியின் முன்னோடியாக கருதப்படுவர் ஆப்பிள் இணை நிறுவனர் ஸ்டீவ் ஜாப்ஸ். இவர் கடந்த 2011ம் ஆண்டு தனது 56-வது வயதில் காலமானார். இதனைத் தொடர்ந்து அவர் பயன்படுத்திய பொருட்கள் அவ்வப்போது ஏலத்தில் விடப்பட்டு வருகின்றன.
தற்போது ஸ்டீவ் ஜாப்ஸ் பணி வழங்கக் கோரி பூர்த்தி செய்த விண்ணப்ப படிவம், ஏலத்தில் விற்பனை செய்யப்பட்டது. ஸ்டீவ் ஜாப்ஸ் தனது 18-வது வயதில் அனுப்பிய இந்த படிவத்தில், அவரது முகவரி, அலைபேசி எண், ஓட்டுநர் உரிமம் உள்ளிட்ட பல்வேறு தகவல்கள் இடம்பெற்றுள்ளன. இது பிரிண்ட் வடிவிலும், NFT வடிவிலும் ஆன்லைனில் ஏலத்தில் விடப்பட்டது.
ஸ்டீவ் ஜாப்ஸ் தனது வாழ்நாளில் வேலை கோரி அனுப்பிய ஒரே விண்ணப்பப் படிவமான இது, 3.43 லட்சம் டாலர்களுக்கு விற்பனை செய்யப்பட்டது. அதாவது இந்திய மதிப்பில் 2 கோடியே 54 லட்சத்து 95 ஆயிரம் ரூபாய்க்கு விற்பனையாகியுள்ளது. NFT எனப்படும் டிஜிட்டல் வடிவத்தை விட, ப்ரின்ட் வடிவம் நான்கு மடங்கு அதிக தொகைக்கு ஏலத்தில் எடுக்கப்பட்டது.
