முக்கியச் செய்திகள் தமிழகம்

போர்க்கால அடிப்படையில் மீட்பு-நிவாரண நடவடிக்கைகள் தேவை: சிபிஐ(எம்) வலியுறுத்தல்

கொள்ளிடம் ஆற்றில் வெள்ளப் பெருக்கு ஏற்பட்டுள்ள நிலையில், பொதுமக்கள் நிவாரண முகாம்களில் தஞ்சமடைந்துள்ளனர். உடனடியாக போர்க்கால அடிப்படையில் மீட்பு மற்றும் நிவாரண நடவடிக்கைகள் மேற்கொள்ள வேண்டும் என்று தமிழக அரசுக்கு மார்க்சிஸ்ட் கம்யூனிஸ்ட் கட்சி வலியுறுத்தியுள்ளது.

இதுதொடர்பாக அக்கட்சியின் மாநிலச் செயலாளர் கே.பாலகிருஷ்ணன் வெளியிட்ட அறிக்கையில் கூறப்பட்டுள்ளதாவது:

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

காவிரி நீர்ப்பிடிப்பு பகுதியில் பெய்து வரும் கன மழையினால் மேட்டூர் அணைக்கு நீர்வரத்து அதிகரித்து 2 லட்சம் கன அடிக்கு மேல் கூடுதலான உபரிநீர் கொள்ளிடம் ஆற்றில் திறக்கப்பட்டுள்ளது. இதனால் வரலாறு காணாத வகையில் கொள்ளிடம் ஆற்றில் வெள்ளநீர் சீறிப் பாய்கிறது.

இதனால் கடலூர், தஞ்சாவூர், மயிலாடுதுறை ஆகிய மாவட்டங்களில் கரையோர கிராமங்களில் வெள்ள நீர் புகுந்துள்ளது. கொள்ளிடம் ஆற்றில் உடைப்பு ஏற்பட்டு, சிதம்பரம், காட்டுமன்னார்குடி பகுதிகளில் திட்டக்காட்டுர், கீழகுண்டலபாடி, அக்கரை ஜெயங்கெண்டபட்டினம், ஜெயங்கொண்ட பட்டினம், வீரன்கோவில் திட்டு, பெரியக்காரமேடு, சிக்காரமேடு, கீழப்பெரும்பை, சிந்தாம்பாளையம், இளந்திரமேடு, தெற்கு பிச்சாவரம் உள்ளிட்டு பல கிராமங்களில் தண்ணீர் புகுந்துள்ளது. ஏராளமான பொதுமக்கள் புயல் நிவாரண முகாம்களில் தங்க வைக்கப்பட்டுள்ளனர்.

அதேபோன்று மயிலாடுதுறை மாவட்டத்திலும் கொள்ளிடம் கரையோர கிராமங்களான  அலக்குடி, ஆணைகாரசத்திரம், கோபாலசமுத்திரம், மாதிரிவேளூர், வடரங்கம் மேலவாடி, முதலைமேடு, சோதியங்குடி ஆகிய கிராமங்களில் தண்ணீர் புகுந்து சுமார் 3000க்கும் மேற்பட்ட மக்கள் பள்ளிக்கூடங்களிலும், முகாம்களிலும் தங்க வைக்கப்பட்டுள்ளனர்.

இதேபோன்று தஞ்சாவூர் மாவட்டத்திலும் வெள்ளநீர் புகுந்து கிராம மக்கள் முகாம்களில் தங்க வைக்கப்பட்டுள்ளனர். இதுதவிர தண்ணீர் சூழ்ந்த கிராமங்களில் பொதுமக்கள் வீட்டைவிட்டு வெளியே வராமல் வீட்டின் பாதுகாப்பு கருதி வீட்டிலே தங்கியுள்ளனர். கொள்ளிடம் ஆற்றில் தண்ணீர் இன்னும் கூடுதலாக திறக்கப்பட்டால் பல கிராமங்கள் மூழ்கும் அபாயம் உள்ளது.

எனவே, தமிழக அரசு போர்க்கால அடிப்படையில் நிவாரண பணிகளை துரிதப்படுத்திடவும், உடைப்பு ஏற்பட்டுள்ள இடங்களை சரிசெய்யவும், நிவாரண முகாம்களிலும், தண்ணீர் சூழ்ந்து வீடுகளில் தங்கியுள்ள மக்களுக்கு உணவு, குடிநீர் உள்ளிட்ட அடிப்படை வசதிகளை ஏற்படுத்தி தரவும், கொள்ளிடம் ஆற்றில் ஏற்பட்டுள்ள உடைப்பை நிரந்தரமாக சரிசெய்யவும், நிரந்தர தடுப்பணை கட்டிடவும், வீட்டிற்குள் தண்ணீர் புகுந்து உடமைகளை இழந்து தவிக்கும் மக்களுக்கு உரிய இழப்பீடு வழங்கிடவும், வெள்ளம் அதிகரிக்கும் அபாயம் இருப்பதால் பேரிடர் மீட்பு படைகளை தயார் நிலையில் வைத்திருக்கவும் இந்திய கம்யூனிஸ்ட் கட்சி (மார்க்சிஸ்ட்)-யின் மாநில செயற்குழு தமிழக அரசை கேட்டுக் கொள்கிறது என்று அந்த அறிக்கையில் கே.பாலகிருஷ்ணன் குறிப்பிட்டுள்ளார்.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

நகர்ப்புற உள்ளாட்சி தேர்தல்: இதுவரை 2,563 வேட்புமனுக்கள் தாக்கல்

G SaravanaKumar

நீண்ட நாட்களுக்கு பிறகு 900க்கும் கீழ் குறைந்த கொரோனா பாதிப்பு

Halley Karthik

ஆளுநருடனான சந்திப்பில் அரசியல் பேசினோம்- நடிகர் ரஜினிகாந்த்

G SaravanaKumar