யுவி கிரேயேஷன்ஸ் தயாரிப்பில் ராதா கிருஷ்ணகுமார் இயக்கத்தில் நடிகர் பிரபாஸின் பான் இந்தியா திரைப்படமான ‘ராதே ஷ்யாம்’ அடுத்த மாதம் 11-ம் தேதி வெளியாகும் என படக்குழு அறிவித்துள்ளது.
கடந்த 2019ம் ஆண்டு வெளியான சாஹோ படத்திற்குப் பிறகு பிரபாஸ் ‘ராதே ஷ்யாம்’ படத்தில் நடித்து வருகிறார். அவருக்கு ஜோடியாக புஜா ஹெக்டே நடிக்கிறார். இப்படத்தில் முக்கிய கதாபாத்திரங்களில் பாக்யஸ்ரீ, சச்சின் கடேகர், முரளி சர்மா மற்றும் பலரும் இத்திரைப்படத்தில் நடித்துள்ளனர். கடந்த வருடமே இத்திரைப்படம் வெளியாகும் என்று எதிர்பார்க்கப்பட்டது ஆனால் வெளியாகவில்லை.
மேலும் இந்த வருடம் பொங்கலுக்கு வெளியிட படக்குழு முயற்சித்தது ஆனால் கொரோனா கட்டுப்பாடுகளால் திரைப்படம் தள்ளிப்போனது. இந்நிலையில் இத்திரைப்படம் மார்ச் 11ம் தேதி வெளியாகும் என்று படக்குழு அறிவித்துள்ளது. விதிக்கும் காதலிக்கும் இடையிலான மிகப்பெரிய போரை திரையரங்கில் 11.03.2022 முதல் உலகெங்கும் காணலாம்’ என்ற அறிவிப்புடன் இச்செய்தி வெளியாகி உள்ளது.
சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
