முக்கியச் செய்திகள் செய்திகள்

புதிய மாவட்டங்கள், வட்டங்கள்: ராமதாஸ் சொல்லும் காரணம்!

புதிய மாவட்டங்கள், வட்டங்கள் கோரிக்கையை அரசு உடனடியாக நிறைவேற்ற வேண்டும் என்று பா.ம.க. நிறுவனர் மருத்துவர் ராமதாஸ் வலியுறுத்தியுள்ளார்.

தமிழ்நாட்டில் புதிய மாவட்டங்கள், வட்டங்கள் அமைக்கப்பட வேண்டும் என்று
பொதுமக்கள் சார்பில் முன்வைக்கப்பட்ட பெரும்பாலான கோரிக்கைகள் தமிழக அரசால் இன்னும் நிறைவேற்றப்படவில்லை. இதுகுறித்த கோரிக்கைகளை வலியுறுத்தி தமிழகத்தின் பல இடங்களில் மக்கள் போராட்டங்கள் வெடித்துள்ளன.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

கள்ளக்குறிச்சி மாவட்டத்தில் ரிஷிவந்தியத்தை தலைமையிடமாகக் கொண்டு தனி வட்டம் அமைக்க வேண்டும் என்ற கோரிக்கை பல பத்தாண்டுகளாக எழுப்பப்பட்டு வருகிறது. கடந்த சட்டப்பேரவைத் தேர்தலையொட்டி ஆத்தூரில் தேர்தல் பரப்புரை மேற்கொண்ட அப்போதைய எதிர்க்கட்சித் தலைவரும், இப்போதைய முதலமைச்சருமான மு.க.ஸ்டாலின், திமுக ஆட்சிக்கு வந்தவுடன் ரிஷிவந்தியம் நகரை தலைமையிடமாகக் கொண்டு புதிய வட்டம் அமைக்கப்படும் என்று வாக்குறுதி அளித்தார். ஆனால், திமுக ஆட்சிக்கு வந்த பின்னர் ரிஷிவந்தியம் நகரை தலைமையிடமாகக் கொண்டு புதிய வட்டம் அமைக்கப்படும் என்ற கோரிக்கை நிறைவேற்றப்படவில்லை. மாறாக வானாபுரத்தை தலைமையிடமாகக் கொண்டு புதிய வட்டம் அமைக்கப்படும் என்று சட்டப்பேரவையில் வருவாய்த் துறை அமைச்சர் அறிவித்தார்.

ரிஷிவந்தியம் தனிவட்டம் கோரிக்கை 30 ஆண்டுகளாக எழுப்பப்பட்டு வரும் போதிலும், முதலமைச்சரே வாக்குறுதி அளித்தும் கூட அக்கோரிக்கை நிறைவேற்றப்படாததைக் கண்டித்து ரிஷிவந்தியம் பகுதி மக்கள் கடந்த ஏப்ரல் 23ஆம் தேதி முதல்தொடர்ந்து அறப்போராட்டங்களை  நடத்தி வருகின்றனர். கடந்த மே 9ஆம் தேதி
ரிஷிவந்தியம் பகுதியைச் சேர்ந்த 600-க்கும் மேற்பட்ட மக்கள் மாவட்ட ஆட்சியர்
அலுவலகத்தை முற்றுகையிட்டு நியாயவிலைக்கடை குடும்ப அட்டைகளை ஒப்படைக்கும் போராட்டத்தை நடத்தினார்கள். அவர்களிடம் மாவட்ட ஆட்சியர் பேச்சு நடத்தி, ரிஷிவந்தியத்தை தலைமை இடமாகக் கொண்டு புதிய வட்டம் உருவாக்கப்படும் என்று வாக்குறுதி அளித்ததைத் தொடர்ந்து மக்கள் திரும்பிச் சென்றனர். ரிஷிவந்தியம் புதிய வட்டம் கோரி தொடர்ந்து போராட்டங்கள் நடத்தப்பட்டு வருகின்றன.

புதிய வட்டமாக அறிவிக்கப்பட்டுள்ள வானாபுரம், இப்போதைய வட்டத் தலைநகரமான
சங்கராபுரத்தில் இருந்து வெறும் 10 கி.மீ. தொலைவில் உள்ளது. ஆனால், புதிய
வட்டமாக அறிவிக்கப்பட வேண்டும் என்று கோரப்படும் ரிஷிவந்தியம் சங்கராபுரத்தில்
இருந்து கள்ளக்குறிச்சி வழியாக 50 கி.மீ தொலைவில் உள்ளது. புதிய வட்டத்
தலைநகரமான வானாபுரம், ரிஷிவந்தியத்தில் இருந்து கள்ளக்குறிச்சி வழியாக 60
கி.மீ தொலைவில் உள்ளது. ரிஷிவந்தியத்திலிருந்து வட்டாட்சியர் அலுவலகத்திற்கு
செல்ல 50 கிமீ பயணிக்க வேண்டும் என்பதற்காகத் தான் அப்பகுதி மக்கள் புதிய
வட்டம் கோரினார்கள். ஆனால், 50 கி.மீக்கு பதிலாக 60 கி.மீ செல்லுங்கள் என்று
மக்களை அலையவிடுவது எந்த வகையில் நியாயம்?

ரிஷிவந்தியம் மட்டுமின்றி தமிழகத்தின் பல்வேறு பகுதிகளில் புதிய மாவட்டங்களை
உருவாக்க வேண்டும். புதிய வட்டங்களை அமைக்க வேண்டும் என்ற கோரிக்கைகள் நீண்ட நாட்களாக எழுப்பப்பட்டு வருகின்றன. 2021ஆம் ஆண்டு சட்டப்பேரவைத் தேர்தலின்போதும் கும்பகோணம், விருத்தாசலம், பொள்ளாச்சி உள்ளிட்ட பல புதிய
மாவட்டங்களும், புதிய வட்டங்களும் உருவாக்கப்படும் என்று திமுக தலைவர்
மு.க.ஸ்டாலின் வாக்குறுதி அளித்திருந்தார். ஆனால், அவை இன்னும்
நிறைவேற்றப்படவில்லை.

பரபரப்பாகி விட்ட வாழ்க்கைச் சூழலில் பொதுமக்கள் தங்களுக்குத் தேவையான
சான்றிதழ்களையும், உரிமைகளையும் பெறுவதற்காக வட்டாட்சியர் அலுவலகத்திற்கு 50 கிலோ மீட்டர் தொலைவுக்கு பயணம் செய்ய வேண்டும் என்பது நியாயமல்ல. அது
மக்களுக்கு விதிக்கப்படும் தண்டனையாகவே பார்க்கப் படும். எனவே, மக்களின் நலன்
கருதி, வானாபுரம் வட்டத்தை தொடர்ந்து செயல்பட அனுமதிப்பதுடன், ஏற்கனவே
வாக்குறுதி அளிக்கப்பட்டவாறு ரிஷிவந்தியத்தை தலைமையிடமாகக் கொண்டு புதிய
வட்டத்தை உருவாக்க வேண்டும். அதேபோல், முந்தைய அதிமுக ஆட்சியில்
ரிஷிவந்தியத்திற்கு அறிவிக்கப்பட்ட தமிழக அரசு கலை மற்றும் அறிவியல் கல்லூரியை உடனடியாக தொடங்க வேண்டும்.

தமிழ்நாட்டின் மற்ற பகுதிகளிலும் புதிய மாவட்டங்கள், வட்டங்கள் தொடர்பான கோரிக்கைகளை நிறைவேற்ற தமிழக அரசு நடவடிக்கை எடுக்க வேண்டும் என்று வலியுறுத்துகிறேன் என பாமக நிறுவனர் ராமதாஸ் தெரிவித்துள்ளார்.

-ம.பவித்ரா

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

வெப்சீரிஸ் படப்பிடிப்பில் விபத்து: நடிகை பிரியங்கா சோப்ரா காயம்

Gayathri Venkatesan

சட்டவிரோதமாகக் குற்றம் செய்த கும்பல்

Saravana Kumar

”என்னை எதிர்த்து போட்டியிட ஸ்டாலின் தயாரா?”- அமைச்சர் ஜெயக்குமார்!

Jayapriya