மே 1ம் தேதி ஊரடங்கு அமல்படுத்த வேண்டிய அவசியமில்லை என தமிழக அரசு தெரிவித்துள்ளது.
தமிழகத்தில் வாக்கு எண்ணிக்கை மே 2-ம் தேதி நடைபெறவுள்ள நிலையில் மே 1-ம் தேதி முழு ஊரடங்கு அமல்படுத்த வேண்டிய அவசியம் இல்லை என சென்னை உயர்நீதிமன்றத்தில் தமிழக அரசு தெரிவித்துள்ளது. மே 1-ம் தேதி விடுமுறை தினம் என்பதால் முழு ஊரடங்கிற்கு அவசியம் இல்லை என தெரிவித்துள்ள தமிழக அரசு, 18 வயதுக்கு மேற்பட்டவர்களுக்கான தடுப்பூசி முகாம் தொடங்க உள்ளதால், அதனை தடுக்க முடியாது எனவும் தெரிவித்துள்ளது.
மே 1-ம் தேதி முழு ஊரடங்கு அறிவிப்பதா வேண்டாமா என்பது குறித்து அரசே முடிவு செய்யலாம் என தெரிவித்துள்ள சென்னை உயர்நீதிமன்ற நீதிபதிகள், வாக்கு எண்ணிக்கை மையங்களில் ஊடகங்களை அனுமதிப்பது குறித்து விளக்கமளிக்க உத்தரவிட்டு வழக்கு விசாரணையை நாளை ஒத்திவைத்துள்ளனர்.
