டி20 உலக கோப்பை கிரிக்கெட் போட்டியில் ‘சூப்பர்-12’ சுற்றின் நேற்றைய ஆட்டத்தில் நியூசிலாந்து – ஆப்கானிஸ்தான் அணிகள் மோதியது. இந்தப் போட்டியில் நியூசிலாந்து அணி 8 விக்கெட்டுகள் வித்தியாசத்தில் வெற்றி பெற்றது.
அபுதாபியில் நடைபெற்ற இந்தப் போட்டியில், டாஸ் வென்ற ஆப்கானிஸ்தான் அணி பேட்டிங்கை தேர்வு செய்தது, தொடர்ந்து விளையாடிய அந்த அணி 20 ஓவர்கள் முடிவில் 8 விக்கெட்டுகளை இழந்து 124 ரன்களை எடுத்தது.
பின்னர் கள இறங்கிய நியூசிலாந்து அணி, 18 புள்ளி ஒரு ஓவர்களில் 2 விக்கெட்டுகளை மட்டுமே இழந்து 125 ரன்களை எடுத்து வெற்றி பெற்றது. இந்த வெற்றியின் மூலம், நியூசிலாந்து அணி அரையிறுதிக்கு தகுதி பெற்றது. நியூசிலாந்து அணியின் வெற்றியின் மூலம் இந்திய அணி அரையிறுதிக்கு முன்னேறும் வாய்ப்பை முற்றிலுமாக இழந்துவிட்டது குறிப்பிடத்தக்கது.
