என்.சி.எல் 2023 கிரிக்கெட் தொடரில், சேரன்மகாதேவி ஸ்கேட் பொறியியல் கல்லூரி அணியை 23 ரன்கள் வித்தியாசத்தில் வீழ்த்தி கன்னியாகுமரி அரசு மருத்துவ கல்லூரி அணி வெற்றி பெற்றது.
நியூஸ் 7 தமிழ் தொலைக்காட்சி சார்பில் என்.சி.எல் 2023 மண்டல அளவிலான டி20 கிரிக்கெட் தொடர் தமிழ்நாடு முழுவதும் 4 மண்டலங்களாக பிரிக்கப்பட்டு நடைபெற்று வருகிறது. அந்த வகையில், நெல்லை மண்டலத்தில் இன்று நடைபெற்ற போட்டியில், கன்னியாகுமரி அரசு மருத்துவக் கல்லூரியுடன் சேரன்மகாதேவி ஸ்கேட் பொறியியல் கல்லூரி மோதியது.
இதையும் படியுங்கள் : NCL 2023 : மதுரை தியாகராஜர் கல்லூரியை வீழ்த்தி மன்னர் திருமலை நாயக்கர் கல்லூரி வெற்றி
இதில் முதலில் பேட்டிங் செய்த கன்னியாகுமரி அரசு மருத்துவக் கல்லூரி அணி 20 ஓவர்கள் முடிவில், 9 விக்கெட்டுகள் இழப்பிற்கு 154 ரன்கள் எடுத்தது. இதையடுத்து 155 ரன்கள் எடுத்தால் வெற்றி என்ற இலக்குடன் களமிறங்கிய ஸ்கேட் பொறியியல் கல்லூரி, 17.3 ஓவர்களில் அனைத்து விக்கெட்டுகளையும் இழந்து 131 ரன்கள் மட்டுமே எடுத்தது.
இதன்மூலம் கன்னியாகுமரி அரசு மருத்துவ கல்லூரி 23 ரன்கள் வித்தியாசத்தில் வெற்றி பெற்றது. 17 ரன்கள் மட்டும் விட்டுக் கொடுத்து ஹாட்ரிக் விக்கெட் உட்பட நான்கு விக்கெட்டுகளை எடுத்த கன்னியாகுமரி அரசு மருத்துவ கல்லூரி மாணவர் தேவ் ஆட்ட நாயகனாக தேர்ந்தெடுக்கப்பட்டார்.
