உலகின் முன்னணி சிஇஓ பட்டியலில் பேஸ்புக் சமூகவலைத்தள நிறுவனர் மார்க் ஸ்க்கர்பர்க்கு முதல் 100 பேர் கொண்ட பட்டியலில் பின்னுக்குத் தள்ளப்பட்டுள்ளார் என சர்வதேச வேலைவாய்ப்பு நிறுவனமான கிளாஸ்டோர் நடத்திய ஆய்வு தெரிவிக்கப்பட்டுள்ளது.
கிளாஸ்டோர் நிறுவனம் (Glassdoor) கடந்த 2013-ம் ஆண்டிலிருந்து உலகின் செல்வாக்கு மிகுந்த முன்னணி சிஇஓ குறித்த பட்டியலை வெளியிட்டுவருகிறது. இந்நிலையில் 2020-ம் ஆண்டு மே முதல் 2021-ம் ஆண்டு மே வரை பேஸ்புக் நிறுவனத்தில் பணியாற்றும் 700 ஊழியர்களிடம் கிளாஸ்டோர் நிறுவனம் கருத்துக்கணிப்பு மேற்கொண்டது.
இந்த கருத்துக்கணிப்பில் பேஸ்புக் நிறுவனர் மார்க் ஸ்க்கர்பர்க்கு வெறும் 88 % புள்ளிகள் பெற்று முதல் 100 பேர் கொண்ட பட்டியலில் இடம்பெறமுடியாமல் பின்னுக்குத் தள்ளப்பட்டார். கடந்த 2013-ம் ஆண்டு இந்த பட்டியலில் 99 % புள்ளிகள் பெற்று மார்க் ஸ்க்கர்பர்க்கு முதலிடம் பிடித்திருந்தார் என்பது குறிப்பிடத்தக்கது.
மார்க் ஸ்க்கர்பர்க்குயின் தற்போதை பின்னடைவுக்கு அவர் கடந்த ஆண்டு அமெரிக்க முன்னாள் அதிபர் டோனால்ட் டிரம்ப் ஆதரவாகச் செயல்பட்டது , அதேபோல் அமெரிக்க அதிபர் தேர்தலின்போது அந்நாட்டில் கொரோனா பாதிப்பு குறித்த தவறான தகவல்களை பேஸ்புக் நிறுவனம் வெளியிட்டதும் முக்கிய காரணமாகப் பார்க்கப்படுகிறது.
கிளாஸ்டோர் நிறுவனம் வெளியிட்டுள்ள இந்த பட்டியலில் மைக்ரோசாப்ட் சத்யா நாதெல்லா 97% புள்ளிகள் பெற்று முதலிடத்தில் உள்ளார், அதேபோல் ஆப்பிள் நிறுவனத்தின் முதன்மை செயல் அதிகாரி டிக் குக் 95 % புள்ளிகள் பெற்று 2-ம் இடத்தில் உள்ளார். கிளாஸ்டோர் நிறுவனம் வெளியீடும் சிஇஓ பட்டியலில் டிக் குக் தொடர்ந்து 8-வது ஆண்டாக இடம்பிடித்து வருகிறார் என்பது குறிப்பிடத்தக்கது.
