ஜம்மு விமானப்படை நிலைய தாக்குதல் வழக்கை தேசிய புலனாய்வு அமைப்புக்கு உள்துறை அமைச்சகம் ஒப்படைத்துள்ளது.
ஜம்மு விமான நிலையத்தில் நேற்று அதிகாலை 5 நிமிட இடைவெளியில் அடுத்தடுத்து இரண்டு குண்டுவெடிப்பு நிகழ்ந்தது. இதனால், உயிரிழப்புகள் ஏதும் ஏற்படாத நிலையில், விமான நிலையம் பாதுகாப்பு அதிகாரிகளின் கட்டுப்பாட்டுக்குள் கொண்டுவரப்பட்டது. இந்த குண்டுவெடிப்பில் இரண்டு பணியாளர்களுக்கு லேசான காயம் ஏற்பட்டுள்ளதாகவும், இந்தத் தாக்குதலுக்கு ஆளில்லா விமானம் பயன்படுத்தப்பட்டுள்ளதாகவும் தெரிவிக்கப்பட்டுள்ளது.
