This News Fact Checked by ‘FACTLY’
13 ஆண்டுகளுக்கு பிறகு முதன்முறையாக சூரிய ஒளியைப் பார்த்த சிரிய கைதி என ஒரு பதிவு சமூகவலைதளங்களில் வைரலாகி வருகிறது. இதுகுறித்த உண்மை சரிபார்ப்பை காணலாம்.
சிரியாவின் முன்னாள் அதிபர் பஷர் அல்-அசாத் பதவி நீக்கம் செய்யப்பட்ட பிறகு, 13 ஆண்டுகளில் முதல் முறையாக சூரிய ஒளியைப் பார்த்த சிரிய கைதி என புகைப்படத்துடன் சமூக ஊடகங்களில் (இங்கே, இங்கே, இங்கே) பதிவு ஒன்று வைரலாகி வருகிறது.
வைரல் உரிமைகோரலின் உண்மைத்தன்மையை சரிபார்க்க, முக்கிய வார்த்தை மற்றும் தலைகீழ் படத் தேடல் செய்யப்பட்டது. இந்த தேடுதல், பல ஆண்டுகளாக பல அரசியல் கைதிகள் தடுத்து வைக்கப்பட்டிருந்த சைட்னாயா சிறையில் இருந்து சிரிய கிளர்ச்சிப் படை கைதிகளை விடுவிப்பது பற்றிய பல செய்தி அறிக்கைகள் கிடைத்தன. அந்த காட்சிகளை இங்கே, இங்கே, இங்கே காணலாம்.
ஆனால், வைரலான புகைப்படத்தில் காணப்பட்ட ‘13 ஆண்டுகளில் முதல் முறையாக சூரிய ஒளியை பார்த்தார்’ என்பது பற்றிய எந்த அறிக்கையும் கிடைக்கவில்லை. இந்தத் தேடலின் போது, நிலத்தடி சுரங்கப்பாதையில் இந்த நபர் ஊர்ந்து செல்லும் வீடியோ அடங்கிய ட்விட்டர் பதிவு கிடைத்தது.
வைரலான புகைப்படம் இந்த வீடியோவின் ஸ்கிரீன்ஷாட் ஆகும். அந்த வீடியோவில் @sanzaruu என்ற TikTok வாட்டர்மார்க் இருந்தது. இதை ஒரு குறியீடாகக் கொண்டு, TikTok இல் @sanzaruu என தேடியதில், அதே வீடியோ அந்த பக்கத்தில் பதிவேற்றப்பட்டது தெரியவந்தது. மேலும், சைட்னாயா சிறையில் இருந்தவர்கள் விடுவிக்கப்படுவதற்கு சில நாட்களுக்கு முன்பு இந்த வீடியோ பதிவேற்றப்பட்டுள்ளது.
அந்த சேனலில் இதுபோன்ற பல வீடியோக்கள் உள்ளன. அந்த பக்கத்தின் பயோ பிரிவில், அனைத்து வீடியோக்களும் செயற்கை நுண்ணறிவைப் பயன்படுத்தி உருவாக்கப்பட்டவை என்பது தெளிவாக குறிப்பிடப்பட்டிருந்தது.
முடிவு:
சுருக்கமாக, AI-ஆல் உருவாக்கப்பட்ட படத்திலிருந்து ஒரு ஸ்கிரீன்ஷாட், 13 ஆண்டுகளில் முதல் முறையாக சூரிய ஒளியைப் பார்க்கும் சிரிய கைதியின் உண்மையான புகைப்படமாக தவறாகப் பகிரப்படுவது தெரியவந்தது.
Note : This story was originally published by ‘FACTLY’ and Translated by ‘News7 Tamil’ as part of the Shakti Collective.
