ஐபிஎல் 2023 கிரிக்கெட் தொடரில், சன்ரைசர்ஸ் ஹைதராபாத்தை 5 ரன்கள் வித்தியாசத்தில் வீழ்த்தி கொல்கத்தா நைட் ரைடர்ஸ் அணி வெற்றி பெற்றது.
ஐபிஎல் தொடரின் 16வது சீசன் கோலாகலமாகத் தொடங்கி நடைபெற்று வருகிறது. மொத்தம் 10 அணிகள் பங்கேற்றுள்ள இந்த தொடரில், ஒவ்வொரு அணியும் போட்டிகளில் வெற்றி பெற தீவிரம் காட்டி வருகின்றன. அந்த வகையில், ஹைதராபாத் ராஜீவ் காந்தி மைதானத்தில் நடைபெற்ற ஆட்டத்தில், கொல்கத்தா நைட் ரைடர்ஸ் அணியுடன் சன்ரைசர்ஸ் ஹைதராபாத் அணி மோதியது.
இதில் டாஸ் வென்ற கொல்கத்தா அணி பேட்டிங்கை தேர்வு செய்தது. அதன்படி முதலில் களமிறங்கிய அந்த அணி, 20 ஓவர்கள் முடிவில் 9 விக்கெட்டுகள் இழப்பிற்கு 171 ரன்கள் எடுத்தது. அதிகபட்சமாக ரிங்கு சிங் 35 பந்துகளில் 46 ரன்கள் அடித்தார். ஹைதராபாத் அணி தரப்பில், நடராஜன் மற்றும் மார்கோ ஜான்சன் தலா 2 விக்கெட்டுகள் வீழ்த்தி அசத்தினர்.
இதையும் படியுங்கள் : திராவிட மாடல் – சர்ச்சை ஏன்? ஆளுநரின் சர்ச்சை கருத்தும் எதிர்வினையும்
இதையடுத்து 172 ரன்கள் எடுத்தால் வெற்றி என்ற இலக்குடன் களமிறங்கிய சன்ரைசர்ஸ் ஹைதராபாத் அணி, 20 ஓவர்கள் முடிவில் 8 விக்கெட்டுகள் இழப்பிற்கு 166 ரன்கள் மட்டுமே எடுத்தது. இதனால் 5 ரன்கள் வித்தியாசத்தில் கொல்கத்தா நைட் ரைடர்ஸ் அணி வெற்றி பெற்றது. அதிகபட்சமாக, கேப்டன் எய்டன் மார்க்ரம் 40 பந்துகளில் 41 ரன்கள் எடுத்தார்.
