கொரோனா பரவல் காரணமாக ஐசிஎஸ்இ, ஐஎஸ்சி பாடத்திட்டத்தின் கீழ் படிக்கும் 10, 12 வகுப்பு பொது தேர்வுகள் ஜூன் மாதம் ஒத்திவைக்கப்பட்டுள்ளது.
இது தொர்பாக ஐசிஎஸ்இ, ஐஎஸ்சி பாடத்திட்ட கவுன்சில் வெளியிட்டுள்ள செய்தியில், “ஐசிஎஸ்இ, ஐஎஸ்சி பாடத்திட்டல் படிக்கும் 10-ம் வகுப்பு மாணவர்களுக்கு மே 4 முதல் ஜூன் 7-ம் தேதிவரை பத்தாம் வகுப்பு பொதுத்தேர்வு நடத்த திட்டமிடப்பட்டுள்ளது. 12-ம் வகுப்பு மாணவர்களுக்கு ஏப்ரல் 8-ம் தேதி நடத்தப்படும் என அறிவிக்கப்பட்டது.
இந்நிலையில் கொரோனா வைரஸ் பரவலின் இரண்டாவது அலை காரணமாக ஐசிஎஸ்இ, ஐஎஸ்சி பாடத்திட்டத்தின் கீழ் படிக்கும் 10, 12-ம் வகுப்பு மாணவர்களுக்கான பொது தேர்வு ஜூன் மாதம் தேதி குறிப்பிடாமல் ஒத்திவைக்கப்பட்டுள்ளது.
ஐசிஎஸ்இ, ஐஎஸ்சி பாடத்திட்டத்தின் கீழ் படிக்கும் 10, 12-ம் வகுப்பு மாணவர்களுக்கான பொது தேர்வு குறித்த இறுதி முடிவு விரைவில் அறிவிக்கப்படும்” என கூறப்பட்டது.
நாட்டில் கொரோனா நோய் தொற்று காரணமாக பெரும்பாலான மாநிலங்களில் மாணவர்களுக்கான பொது தேர்வுகள் ஒத்திவைக்கப்பட்டுள்ளது அல்லது ரத்து செய்யப்பட்டுள்ளது. தமிழகத்தில் 10-ம் வகுப்பு பொது தேர்வுகள் ரத்து செய்யப்பட்டு அனைவரும் தேர்ச்சி பெற்றதாக அறிவிக்கப்பட்டது. ஆனால் 12-ம் வகுப்பு மாணவர்களுக்கு மட்டும் திட்டமிட்டபடி மே மாதம் தேர்வுகள் தொடங்கும் என கூறப்பட்டுள்ளது.
கொரோனா பரவல் காரணமாக சிபிஎஸ்இ 10-ம் வகுப்பு பொது தேர்வுகள் ரத்து செய்யப்பட்டுள்ளது. 12-ம் தேர்வுகள் ஒத்திவைக்கப்பட்டுள்ளது. அதேபோல் முதுகலை மருத்துவ மாணவர்களுக்கான நீட் நுழைவுத் தேர்வும் சமீபத்தில் ஒத்திவைக்கப்பட்டது குறிப்பிடத்தக்கது.
