சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. கடந்த சில மாதங்களாக தங்கம் புதிய உச்சம் தொட்டு வருகிறது. அந்த வகையில், தங்கம் விலை கடந்த டிச.22ம் தேதி ரூ.1 லட்சத்தை தாண்டி அதிர்ச்சி அளித்தது. அதன்பிறகு, தங்கம் ஏற்ற இறக்கத்தை சந்தித்து ஆட்டம் காட்டியது. இருப்பினும், தங்கம் விலை ரூ.1 லட்சத்திற்கு குறையாமல் விற்பனையாகி வருகிறது.
அந்த வகையில், தங்கம் விலை நேற்று கிராமுக்கு ரூ.350 அதிகரித்து ரூ.14,250-க்கும், சவரனுக்கு ரூ.2,800 அதிகரித்து ரூ.1,14,000-க்கு விற்பனை செய்யப்பட்டது. வெள்ளி விலை மாற்றமின்றி ஒரு கிராம் ரூ.340-க்கும், ஒரு கிலோ ரூ.3,40,000-க்கும் விற்பனையானது. இந்த நிலையில், சென்னையில் ஆபரணத் தங்கத்தின் விலை இன்று (ஜன.22) குறைந்துள்ளது.
அதன்படி, தங்கம் விலை கிராமுக்கு ரூ.215 குறைந்து ரூ.14,200க்கும், சவரனுக்கு ரூ.1,720 குறைந்து ரூ.1,13,600க்கும் விற்பனை செய்யப்பட்டது. அதேபோல், வெள்ளி விலையும் இன்று குறைந்துள்ளது. அந்த வகையில், கிராமுக்கு ரூ.5 குறைந்து ரூ.340க்கும், கிலோவுக்கு ரூ.5000 குறைந்து ரூ.3,40,000க்கும் விற்பனை செய்யப்படுகிறது.
