தங்கம் மற்றும் வெள்ளி விலைகள் தொடர்ந்து ஏற்ற இறக்கங்களை சந்தித்து வருகின்றன. சர்வதேச சந்தை நிலவரம், அமெரிக்க டாலரின் மதிப்பு உள்ளிட்ட பல்வேறு காரணிகளால் தினசரி விலையில் மாற்றங்கள் ஏற்படுகின்றன.
நேற்று முன்தினம் (அக். 10) சென்னையில் ஆபரணத் தங்கத்தின் விலை சவரனுக்கு ரூ.520 அதிகரித்து ஒரு சவரன் ரூ.1,11,040-க்கு விற்பனை செய்யப்பட்டது. அந்த வகையில், வாரத்தின் முதல் நாளான இன்று சென்னையில் தங்கம் விலை சற்று குறைந்துள்ளது. ஆபரணத் தங்கத்தின் விலை கிராமுக்கு ரூ.40 குறைந்து ஒரு கிராம் ரூ.13,840-க்கும் சவரனுக்கு ரூ.320 குறைந்து ஒரு சவரன் ரூ.1,10,720-க்கும் விற்பனை செய்யப்படுகிறது.
தொடர்ந்து 10வது நாளாக வெள்ளி விலையில் மாற்றம் இல்லை. ஒரு கிராம் வெள்ளி ரூ.245-க்கும், ஒரு கிலோ ரூ.2.45 லட்சத்திற்கும் விற்பனையாகிறது.
