11 ஆம் வகுப்பு பொதுத்தேர்வு முடிவுகள் வெளியாகியுள்ள நிலையில், 100 சதவிகிதம் மதிப்பெண்கள் பெற்ற மாணவர்களின் எண்ணிக்கை குறித்து பார்க்கலாம்…
தமிழ்நாடு மற்றும் புதுச்சேரியில் மார்ச் 13 ஆம் தேதி முதல் ஏப்ரல் 5-ம் தேதி வரை நடைபெற்ற 11ம் வகுப்பு பொதுத்தேர்வை 7 லட்சத்து 70 ஆயிரம் மாணவர்கள் எழுதினர். இதற்கான தேர்வு முடிவுகள் சென்னை டிபிஐ வளாகத்தில் இன்று வெளியானது. முன்னதாக 10-ம் வகுப்பு முடிவுகள் காலை 10 மணிக்கு வெளியானது. அதை தொடர்ந்து தற்போது பிளஸ்-1 முடிவுகள் வெளியாகியுள்ளன.
இந்த தேர்வு முடிவுகளை www.tnresults.nic.in & www.dge.tn.gov.in ஆகிய இணையதள முகவரிகளில் மாணவர்கள் அறிந்து கொள்ளலாம் என அறிவிக்கப்பட்டுள்ளது. இதுதவிர, பள்ளி மாணவர்கள் தாங்கள் படித்த பள்ளிகளிலும், செல்போன் எண்களுக்கு குறுஞ்செய்தி வழியாகவும் தேர்வு முடிவுகள் அனுப்பப்பட்டுள்ளது. இந்த தேர்வில் 94.36% மாணவிகள், 86.99% மாணவர்கள், 88.98% மாற்றுத்திறனாளிகள், 86.40% சிறைவாசிகள் என மொத்தம் 90.93 சதவிகிதம் பேர் தேர்ச்சி பெற்றுள்ளனர்.
11 ஆம் வகுப்பு பொதுத்தேர்வில் 100 சதவிகிதம் மதிப்பெண்கள் பெற்ற மாணவர்களின் எண்ணிக்கை பின்வருமாறு :
1. தமிழ் – 9
2. ஆங்கிலம் – 13
3. இயற்பியல் – 440
4. வேதியியல் – 107
5. உயிரியல் – 65
6. கணிதம் – 17
7. தாவரவியல் – 2
8. விலங்கியல் – 34
9. கணினி அறிவியல் – 940
10. வணிகவியல் – 214
11. கணக்குப் பதிவியல் – 995
12. பொருளியியல் – 40
13. கணினிப் பயன்பாடுகள் – 598
14. வணிகக் கணிதம் மற்றும் புள்ளியியல் – 132
